1 PETRUS 1:1 - KITTA' MATANGKASA'

^1-2 Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.

1 PETRUS 1:1 Referans Kwoze

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

EFESUS 2:19

Lanri kammana, teai mako tau maraeng yareka tau pantarang. Kamma-kamma anne para umma'Na ngaseng mako Allata'ala. Anggota-anggota ngaseng mako lalang ri balla'Na Allata'ala.

PAMMUJI 44:11

Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

LAMPA-LAMPANA 8:4

Sikamma anjo tau tappa' tassiaraka, massing napabattumi anjo Kabara' Baji' battua ri Allata'ala ri kere-keremae.

YOHANES 11:52

Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.

MATIUS 24:22

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

ESTER 3:8

Nampa nakanamo Haman ri karaenga, “O, karaeng, nia' se're bansa mara'-maraeng a'la'bang ri sikontu propinsia ri anne pa'rasanganga. Assisala sikali ada'-ada'na ke'nanga siagang bansa-bansa maraenga. Taerokai ke'nanga mannuruki ri sikamma atorang niaka ri anne kakaraenganga. Jari, teaki' lappassangi ke'nanga a'gau' situru' ero' kalenna ke'nanga.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

2 KORINTUS 1:8

Sikamma sari'battangku ngaseng! Kukellai nanuasseng ngaseng todong kasukkarang le'baka antujui ikambe ri butta Asia. Teai sipato' battala'na anjo kasukkarang antujuai ikambe, sa'genna tappu' panrannuang maki' angkanaya lattallasa' ijaki';

LAMPA-LAMPANA 18:2

Anjoreng ri Korintus assigappami siagang se're tu Yahudi, niarenga Akwila, battua ri pa'rasangang Pontus. Anne Akwila beru-beru battui ri Italia siagang bainenna niarenga Priskila. Battumi ke'nanga mange ri Korintus lanri nisuro ngasemmi ri Karaeng Klaudius assulu' tu Yahudia battu ri Roma. A'lampami Paulus angkunjungi anjo tau ruaya.

YEHEZKIEL 6:8

Nia' tena siapa jaina battu ri ke'nanga laKupata'lappasa' battu ri anjo pammunoanga mingka laKupasisa'la'-sa'laki ke'nanga mange ri alla'na bansa-bansaya;

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

2 TIMOTIUS 1:15

Nuassemmi angkanaya nabokoi ngasemma' sikamma tau niaka ri daera Asia, kammayatompa Figelus siagang Hermogenes.

1 KORINTUS 16:19

Sallanna sikamma jama'aka ri butta Asia mae ri kau ngaseng. Kammayatompa Akwila siagang Priskila, kammayatompa pole sikontu jamaah niaka a'rappungang ri balla'na ke'nanga, appikatu ngasengi sallang Karisteng mae ri kau ngaseng.

LAMPA-LAMPANA 19:10

Iaminjo tuli nagaukang ruan taung sallona, sa'genna sikontu tau niaka ammantang ri daera Asia, baji' na tu Yahudi yareka bansa-bansa maraenga, nalangngere' ngasemmi ke'nanga kana-kananNa Batara.

LAMPA-LAMPANA 18:23

Niaki siapa are sallona ammantang anjoreng. Le'baki anjo a'lampami angkunjungi jamaah-jamaah niaka ri daera Galatia siagang Frigia ero' ampakajarreki tappa'na sikontu anggota jama'aka.

LAMPA-LAMPANA 6:9

Mingka nia'mo siapa are tau angngewai; iamintu anggotana ngaseng balla' sambayang niarenga Balla' Sambayanna Tu Bebasaka. Anggota-anggotana anjo balla' sambayanga, iamintu tu Yahudi battua ri Kirene siagang Aleksandria. Sipammemtengammi ke'nanga siagang tu Yahudi battua ri Kilikia siagang Asia, anggea'-geakki Stefanus.

YOHANES 7:35

Nakana ngasemmo tukoasana tu Yahudia, massing para ia, “La'lampa kemaei anne taua nitakkullea ambuntuluKi? Apa eroKi a'lampa mange ri tu Yahudi pantarang pa'rasanganga, ri pa'rasanganna tu Yunania, naero' Naajara' tu Yunania?

MATIUS 10:2

Naia arenna anjo sampuloa anrua ana'-ana' gurunNa, iaminne: uru-uruna iamintu Simon (nigallaraka Petrus) siagang sari'battanna niarenga Andreas; nampa Yakobus siagang sari'battanna niarenga Yohanes, niarenga Zebedeus manggena.

MATIUS 4:18

Ri wattu a'jappana Isa ri birinna Tamparang Galilea, nia'mo Nacini' rua paboya juku', iamintu niarenga Simon (Nigallaraka Petrus) siagang andi'na niarenga Andreas. Sitabangi ke'nanga anjala juku' ri tamparanga.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

PAOLE 32:26

ErokKa' ampa'lanynya' taba sikali ke'nanga, sollanna taniu'rangiamo ke'nanga.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?