1 PATTOTTORANG 9:1 - KITTA' MATANGKASA'

¹ Sikontu Tu Israelka nicataki situru' massing kaluargana ke'nanga. Anjo pattottoranga nicataki lalang ri kitta' Sikamma Karaenga ri Israel. Salaku hukkungang mae ri kota-kotana kenanga, nierammi ra'ya'na Yehuda mange ri butta pammelakkanga.

1 PATTOTTORANG 9:1 Referans Kwoze

NEHEMIA 7:5

Lanri kammana, nasungkemi Allata'ala pikkirangku untu' ampa'rappungangi sikontu ra'yaka, sikamma tutoa-toana kammayatompa sikontu pamimpinna ke'nanga, sollanna akkulle kubilang ke'nanga situru' dattara' pattottoranna ke'nanga. Lalang anjo kasampatanga kubuntulu'mi catatanna sikamma tau uru-uru ammotereka battu ri pa'rasangang pammelakkanga. Iaminne kasingaranna anjo catatang kugappaya:

EZRA 2:59

Sikamma tau a'lampaya battu ri kota-kota Tel-Melah, Tel-Harsa, Kerub, Adan siagang Imer, nia' 652 jaina tau. Yangasenna ke'nanga antamai golongang kaluarga Delaya, Tobia, siagang Nekoda, mingka takkulleai napa'butti ke'nanga angkanaya turungang bansa Israel tongi ke'nanga.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

1 PATTOTTORANG 8:40

Ana'-ana'na Ulam yangasenna a'jari tantara-tantara barani siagang cara'deka ammake sanjata pana. Cucunna bura'nea nia' 150 tau jaina. Yangaseng ke'nanga anggota suku Benyamin.

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

2 KARAENG-KARAENG 24:14

Karaeng Yoyakhin, amma'na, sikamma bainenna, pagawe-pagawena, siagang pamimping-pamimpinna tu Yehuda, kabusu'na nia' 7.000 tau parallu, nitahangi siagang niengkaki mange ri Babel. Kammayatompa sikontu tau cara'deka siagang panre bassia nia' 1.000, kabusu'na sangnging tau kassa' ngaseng siagang tau barani untu' a'bundu'. Bija-bija karaenga siagang pamimping-pamimpinga niengka' kabusuki mange ri pa'rasangang pammelakkanga, yangasenna nia' 10.000 jaina tau. A'biringi sikontu pandudu'na Yerusalem niengka' a'lampa; ia ammantanga iamami ra'ya' kaminang kasi-kasia.

EZRA 2:1

Jai anjo tunipelaka a'lampa ambokoi daera Babel nampa ammotere' mange ri Yerusalem siagang Yehuda, massing-massing mange ri kota kalenna ke'nanga. Appakaramula ri wattunna nierang ke'nanga ri Karaeng Nebukadnezar nammantang ke'nanga ri pa'rasangang pammelakkanga ri Babel.

NEHEMIA 11:1

Sikamma pamimping siagang ra'ya' ammantanga ri Yerusalem a'goccangi lomoro' untu' ampilei tasse're battu ri sampuloa kaluarga, musti ammantang ri kota Matangkasa' Yerusalem. Tenaya nipilei akkullei ammantang ri kota-kota maraenganga.

YESAYA 3:2

sikamma tubarania siagang tantaraya, haking, na'bi, patappu bicara siagang tumappakainga',

YEREMIA 13:19

Kota-kotana Yehuda ri bageang timboroka nikurungi ri musu, siagang tenamo akkulle antarrusuki anjo pakkurunga. Sikontu tu Yehuda niengka' ngasengi mange ri butta pammelakkanga.”