1 PATTOTTORANG 4:9 - KITTA' MATANGKASA'

⁹ Nia' sitau bura'ne niareng Yabes, ia kaminang nipakala'biri' ri alla'na sikamma sari'battanna. Niarengi Yabes ri amma'na, lanri sanna'na sessana amma'na ri wattunna nilassukang.

1 PATTOTTORANG 4:9 Referans Kwoze

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

1 SAMUEL 4:21

Niaremmi anjo anaka Ikabod, na nakana, “Kahaderang kala'biranNa Allata'ala tappela'mi battu ri Israel” – ia napakkanaia iamintu angkanaya Patti ParjanjianNa Karaeng Allata'ala nirampasa'mi siagang matoanna kammayatompa bura'nenna matemi. Lanri kammana nanakanamo, “Kahaderang kala'biranNa Allata'ala tappela'mi battu ri Israel, lanri nirampasa'mi Patti ParjanjianNa Allata'ala.”

PA'JARIANG 34:19

Sadiami Sikhem untu' anggaukangi anjo pappala'na ke'nanga lanri ero'na ri Dina. Ri sikontuna kaluargana, iaminjo Sikhem kaminang nipilangngeri kananna.

1 PATTOTTORANG 7:23

Nampa assikatinroammo pole Efraim siagang bainenna, sa'genna attianang bainenna, nampa allassukang sitau ana' bura'ne. Nasaremi areng Efraim anjo ana'na, iamintu Beria, lanri anjo susa le'baka antujui.

PA'JARIANG 35:18

Mingka a'birimmi narapi' a'jala'na Rahel. Na ri wattu ero'namo tappu nyawana, naaremmi anjo anaka Ben-Oni, mingka niarengi ri manggena Benyamin.

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

YESAYA 43:4

Nia' anggarannu ri matangKu, Kuanggarakko siagang Kukamaseangko; jari Kupassareangi rupataua a'jari sambennu, bansa-bansaya a'jari sambe nyawanu.

1 PATTOTTORANG 4:8

Anub siagang Hazobeba, iami ana'-ana' bura'nena Kos, boe-boena turungang battua ri Aharhel ana'na Harum.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

PANGNGEBARANG 23:25

Dasi-dasi nalompo pa'mai'na anrong manggenu mae ri kau, dasi-dasi namate'ne baine allassukangiako.