1 PATTOTTORANG 4:10 - KITTA' MATANGKASA'

¹⁰ Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

1 PATTOTTORANG 4:10 Referans Kwoze

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

PAMMUJI 119:173

Poro tuli rella laloKi' antulunga', saba' kupilemi mannurukia ri paratoranTa.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

YOHANES 10:28

Kusarei ke'nanga katallassang satunggu-tunggua, natena nalapanra' ke'nanga sa'genna satunggu-tungguna. Tena manna sitau akkulle angngalle passai ke'nanga battu ri limangKu.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

PAMMUJI 55:16

Boli'mi kamma namate silalonna musungku na naung attallasa' ri linona tau matea, saba' kaja'dallanna niaki ri balla'na ke'nanga, ri tangnga-tangngana ke'nanga.

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PAMMUJI 65:2

Siratangi ikambe mammuji ri Katte ri Sion, o, Allata'ala, na narupai janjinna ikambe mae ri Katte.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PAMMUJI 51:8

Kituntuka' situlusu' atinTa; Kipirassimi atingku siagang pangngassenganTa.

AYUB 12:4

Nikakkalia' ri agangku siagang belaku, nampa inakke anne annaba' siagang tena callaku. Riolo Napiali Allata'ala pappala' doangku punna akkioka' appala' bantuang.

1 SAMUEL 1:17

Nampa nakanamo Eli, “Punna kamma anjo ammotere' mako siagang salama'. Poro Naturukiangko Allata'alana Israel pappala'nu.”

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PAMMUJI 51:12

Pa'jarianga' ati maci'nong untu' inakke, o, Allata'ala, Kiberui atingku siagang sumanga' sa'bara'.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

ROMA 16:19

Naasseng ngasemmi taua angkanaya tamalanreako mae ri pangngajarang Kabara' Baji' battua ri Allata'ala. Na sannammo pa'maikku mae ri kau ngaseng lanri anjo passalaka. Kuminasai sollannu cara'de' mae ri apa-apa bajika, na nudongo' mae ri apa-apa ja'dalaka.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

1 PATTOTTORANG 16:8

Sukkurukko mae ri Batara birittakangi kalompoanNa caritakangi apa Nagaukanga ri tangnga-tangngana bansa-bansaya.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

MATIUS 26:75

Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.

1 PATTOTTORANG 4:9

Nia' sitau bura'ne niareng Yabes, ia kaminang nipakala'biri' ri alla'na sikamma sari'battanna. Niarengi Yabes ri amma'na, lanri sanna'na sessana amma'na ri wattunna nilassukang.

1 PATTOTTORANG 4:11

Kelub, sari'battanna Suha, nia' ana'na niarenga Mehir. Ana'na Mehir iamintu Eston,

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

PA'JARIANG 28:21

sa'gengku akkulle ammotere' mange ri balla'na manggeku siagang salama', Batarami la'jari Allata'alaku.

PA'JARIANG 32:27

Akkuta'nammi anjo taua, angkana, “Inai arennu?” Appialimi Yakub angkana, “Yakub.”

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.

1 SAMUEL 1:27

Iaminne ana' kupalaka battu ri Batara. Nasareamma' Batara pappalakku,

PAMMUJI 121:7

LaNajagaiko Batara battu ri bahayaya, laNajagaiko sollanna salama' tallasa'nu.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.