1 PATTOTTORANG 3:15 - KITTA' MATANGKASA'

¹⁵ Yosia nia' appa' ana'na bura'ne, iamintu: Yohanan, Yoyakim, Zedekia, siagang Yoahas.

1 PATTOTTORANG 3:15 Referans Kwoze

2 KARAENG-KARAENG 23:34

Nampa naangka' Karaeng Nekho ana' bura'nena Yosia niarenga Elyakim a'jari Karaeng Yehuda, siagang napinrai arenna Elyakim a'jari Yoyakim. Naerangi Yoahas mange ri Mesir siagang anjoreng tommi Yoahas mate.

2 KARAENG-KARAENG 23:31

Ri wattunna a'jari Karaeng Yoahas ri Yehuda, 23 taung umuru'na, siagang ammarentai ri Yerusalem 3 bulang sallona. Amma'na niarengi Hamutal ana'na Yeremia battu ri kota Libna.

1 PATTOTTORANG 3:16

Yoyakim nia' rua ana'na bura'ne, iamintu niarenga: Yoyakhin siagang Zedekia.

YEREMIA 1:3

Le'baki anjo a'bicarai pole Batara ri ia a'mole-mole, appakaramula ri rewasa' ammarentana Yoyakim ana'na Yosia sa'genna taung makasampulo asse're ri rewasa' ammarentana Zedekia ana'na Yosia. Ri bulang makalima anjo todong taunga niengkaki pandudu'na Yerusalem mange ri butta pammelakkanga.

YEREMIA 22:11

Ri passala'na Yoahas, ana' bura'nena Yosia, a'jari karaenga ri Yehuda ansambeangi manggena, kamma anne kananNa Batara, “A'lampami battu anrinni, siagang talammoterami pole.

YEREMIA 37:1

Ri wattunna Nebukadnezar karaeng Babel napecaki Yoyakhin ana'na Yoyakim, naangkaki Zedekia ana'na Yosia a'jari karaeng Yehuda.

2 KARAENG-KARAENG 24:17

Nampa naengka' Nebukadnezar tuniarenga Matanya, iamintu purinanna Yoyakhin, a'jari karaeng ri Yehuda, siagang napinrai arenna a'jari Zedekia.

2 PATTOTTORANG 36:1

Nipilei Yoahas ri ra'ya' Yehuda siagang niangkaki a'jari karaeng ri Yerusalem untu' ansambeangi Yosia, manggena.

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 24:8

Mingka Zedekia karaeng Yehuda, siagang sikamma pamarenta a'reppeseka ri ia, kammayatompa sesanna tu Yerusalem tuli ammantanga anrinni ri pa'rasanganga anne yareka a'letteka mange ri Mesir, yangasenna ke'nanga laKugauki sanrapang anne rappo ara bottoka ngaseng, tenaya nakkulle nikanre. INakke, Batara anne akkana.

YEREMIA 26:1

Tena nasallo Yoyakim ana' bura'nena Yosia a'jari karaeng Yehuda,