1 PATTOTTORANG 28:2 - KITTA' MATANGKASA'

² Ammentemmi Daud ri dallekanna ke'nanga nampa nakana, “Sikamma sari'battang julu bansaku, pilangngeri anne kanangku! Salloma' ero' ambangung se're balla' attantu untu' Patti Parjanjiang, pattuppuang bangkenNa Karaeng Allata'alata. Le'ba'ma' appare' parsadiaang untu' ambangung se're balla' untu' a'jari tampa' anynyomba mae ri Ia.

1 PATTOTTORANG 28:2 Referans Kwoze

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

PAMMUJI 99:5

Pakala'biriki Batara Allata'alata, su'jukki' ri dallekang empoang kala'biranNa, Iami matangkasa'!

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

LAMPA-LAMPANA 7:49

‘Langika a'jari empoang kala'birangKu, na linoa a'jari pa'dongkokang bangkengKu. Balla' apa eroka nupaentengangA'? Kemae tampa' laKupammari-maria?

PAMMUJI 132:14

Nakana, “Anrinnimi pammantangangKu sa'genna satunggu-tungguna, erokKa' ammarenta ri anne tampaka.

PAMMUJI 22:22

Tena pakkulleku, Kilappassanga' battu ri tanru'na tedong romanga siagang muncenna singaya.

1 PATTOTTORANG 22:14

Na passala'na anjo Balla'Na Batara, le'ba'ma' usaha tojeng-tojeng appasse're 3.400 tong battala'na bulaeng siagang la'bi 34.000 tong battala'na pera'. Napantaranganna anjo nia' todong parunggu siagang bassi, ia takkullea nibilang lanri jaina. Kayu siagang batu kupasadiami, mingka musti nutambai pole.

1 PATTOTTORANG 6:31

Pakkaramula nipalette'namo Patti Parjanjianga mae ri tampa' passambayanganga ri Yerusalem, napileimi Karaeng Daud siapa are tau nisarea tanggong jawa' untu' kelong-kelong pammuji-mujianga ri Balla'Na Batara.

1 KARAENG-KARAENG 1:47

Ba'lalo sikamma perwira tantarana karaenga a'lampa ngasemmi mange ampasalamaki Karaeng Daud. Nakana ke'nanga, ‘Tapporo Allata'alana karaeng ampa'jari Salomo la'bi masahoro' na ikatte; tapporo poreangngangi pamarentahanna Salomo na pamarentahanta.’ Nampa ri katinroanna su'ju'mi Karaeng Daud anynyomba ri Allata'ala,

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 17:15

Parhatikangi baji'-baji', sollanna anjo tau nuangkaka a'jari karaeng iamintu tau Napilea Karaeng Allata'alanu. Anjo taua musti tau battu ri bansanu; teako angngangkakki bansa maraeng a'jari karaennu.

PA'JARIANG 48:2

Nalangngere'na Yakub angkana niaki battu Yusuf, napikulle-kulleimi nagassingi kalenna, nampa ammempo ri katinroanga.

1 KARAENG-KARAENG 5:3

“Karaeng Hiram mala'birika! Tantu kiassengi angkanaya manggeku tuli tarpassa a'bunduki lanri battui musua ambunduki, iamintu battua ri pa'rasangang niaka ri tammulilina ikambe. Na lanri tenapa nisarei ri Batara untu' ambeta ngasengi musunna, tenapa nasawe ambangung tampa' sambayang mange ri Karaeng Allata'alana.

1 PATTOTTORANG 17:4

“A'lampako siagang pabattui anne pasangKu mae ri atangKu Daud, angkana, ‘Teai ikau lambangungi ballakKu.

2 PATTOTTORANG 6:7

Nampa nakana pole Salomo, “Manggeku Daud, le'ba' anrancanakangi untu' ambangung balla' tampa' panynyombang mae ri Karaeng Allata'alana Israel.

YESAYA 60:13

Kalompoanna romang Libanon lanilalingi mae ri kau poko' kayu berangang, camara, siagang eru untu' ampaccayai BallakKu, siagang angga'gai tampa' pangngonjokangKu.

1 PATTOTTORANG 22:6

Nakio'mi Daud ana' bura'nena iamintu Salomo, nampa naparentakang untu' ambangungi anjo Balla'Na Karaeng Allata'ala nasombaya umma' Israel.

1 PATTOTTORANG 22:7

Nakanamo Daud ri Salomo, “Anakku, salloma' ero' ambangung se're balla' untu' ampakala'biriki Karaeng Allata'alaku.

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 132:2

TeaKi' kaluppai sombana mae ri Katte, o, Batara, ri tinja'na mae ri Kaminang Gassinga, Allata'alana Yakub.

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.