1 PATTOTTORANG 26:16 - KITTA' MATANGKASA'

¹⁶ Supim siagang Hosa anggappai pakke'bu' lompo bageang laukanga siagang pakke'bu' Syalekhet ia niaka ri oloang pangngambikanga. Ia tugasa' pangawalaka niatoro' kammai anjo sa'genna tuli nia' a'jaga ri pakke'bu' lompoa.

1 PATTOTTORANG 26:16 Referans Kwoze

NEHEMIA 12:24

Nibage-bagei tu Lewi lalang siapa area kalompo', nipimping ri Hasabya, Serebya, Yesua, Binui, siagang Kadmiel. Massing ta'rua kalompo' anggaukangi tugasa' mammuji ri Batara siagang appala' sukkuru' ri Ia. Assibalasa'-balasaki ke'nanga, situru' paratorang Karaeng Daud, anjo atanNa Allata'ala.

2 PATTOTTORANG 9:4

antekamma atoro'na jama-jamanna pagawe-pagawena balla' karaenga, siagang pakeanna kammayatompa balla'na ngaseng ke'nanga. Naciniki kanre nipatalaya, siagang pakeanna sikamma palayang allayaniai ke'nanga; naciniki koro'bang-koro'bang napassareanga Salomo ri Balla'Na Batara. Yangasenna anjo napakalannasaki pa'mai'na anjo ratu battua ri pa'rasangang Syeba napakamma.

1 PATTOTTORANG 25:8

Untu' antantukangi pa'le'bassang tugasaka, yangasenna ke'nanga ammesoki lomoro' nigoccanga, tau rungka yareka tau toa, ia niakamo pangalamanna yareka ia beru appilajaraka.

1 KARAENG-KARAENG 10:5

cara-carana pagawena anjama-jama ri balla' kakaraenganga, pakeang sirupana ke'nanga, kammayatompa pa'ballakanna ke'nanga. Naciniki kanrea siagang je'ne' inung nipatalaya, cara-carana palayanga allayani ri passua'-suarranga, siagang koro'bang-koro'bang nipassareanga ri Salomo lalang ri Balla'Na Batara. Yangasenna anjo napakalannasa'mi siagang takkonta'mi nyawana anjo karaeng bainea battua ri pa'rasangang Syeba anciniki.

1 PATTOTTORANG 26:15

Obed-Edom anggappai pakke'bu' lompo bageang timboranga siagang ana'-ana'na anggappa tugasa' anjagai gudang-gudang pammantangang pakkakasaka.

1 PATTOTTORANG 26:17

Allo-allona ri bageang rayangngang nia' annang pangawala', ri bageang wara' nia' appa' siagang bageang timboro' nia' appa'. Sikamma gudang pakkakasaka nijagai tongi ri appa' tau, ta'rua tau se're-se're gudang.

1 PATTOTTORANG 26:18

Ri balla' ga'ga bageang laukanga niboliki appa' pajaga ri oloanga, siagang rua pajaga kalenna anjo balla' ga'gaya.