1 PATTOTTORANG 24:6 - KITTA' MATANGKASA'

⁶ A'le'basa'mi turunganna Eleazar siagang turunganna Itamar angngalle ambesoki anjo goccanga, nampa nicata' arenna ke'nanga ri se'reang jurutulisi', iamintu niarenga Semaya, ana'na Netaneel, tu Lewi. Yangasenna anjo nigaukangi ri dallekanna karaenga siagang sikamma pagawena, Imang Zadok, Ahimelekh ana'na Abyatar, sikamma kapala kaluarga golongang imanga, kammayatompa kapala-kapala kaluarga golongang Lewi.

1 PATTOTTORANG 24:6 Referans Kwoze

MATIUS 13:52

Jari Nakanamo Isa, “Lanri kammana minjo na anjo sikamma guru agama a'jariamo umma'Na Allata'ala, sanrapangi patanna balla' ampasuluka ngasengi barang-barang beruna siagang barang-barang sallona battu ri pammolikang barang-baranna.”

MATIUS 8:19

Nia'mo sitau guru agama battu mae ri Ia angkana, “O Pa' Guru, erokka' amminawang ri Katte, manna pole a'lampa kemae!”

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

2 PATTOTTORANG 34:13

nisarei tugasa' angngawasi lalinganna bahang-bahanga, a'jari kapala ri a'rupa-rupaya jama-jamang, anjamai sura'-suraka, siagang anjagai pakke'buka.

1 PATTOTTORANG 23:24

Iaminjo areng-arenna turunganna Lewi, ia niaka nicata' situru' areng kapala pa'rappungang bijanna siagang massing kaluargana ke'nanga. Umuru'na ke'nanga ruampulo taung siagang rateangannaya na nisare tugasa' lalang ri Balla'Na Batara.

1 PATTOTTORANG 24:7

Iaminne areng-arenna ke'nanga situru' susunanna pa'le'basang tugasa'na ke'nanga, ia nigappaya battu ri nigoccanna anjo ruampuloa pa'rappungang: 1. Yoyarib 13. Hupa 2. Yedaya 14. Yesebeab 3. Harim 15. Bilga 4. Seorim 16. Imer 5. Malkia 17. Hezir 6. Miyamin 18. Hapizes 7. Hakos 19. Petahya 8. Abia 20. Yehezkiel 9. Yesua 21. Yakhin 10. Sekhanya 22 Gamul 11. Elyasib 23. Delaya 12. Yakim 24. Maazya

1 PATTOTTORANG 24:31

Untu' pa'le'basanna tugasa'na ke'nanga, massing-massing kapala kaluarga siagang sitau andi'na bura'nea a'besoki lomoro' nigoccang situru' apa nagaukanga sikamma sari'battanna ke'nanga, iamintu sikamma imang turunganna Harun. Anjo lomoro' nigoccanga nisa'bi ri Karaeng Daud siagang Zadok, Ahimelekh siagang kapala-kapala kaluarga battu ri golongang imanga siagang battu ri golongang tu Lewi.