1 PATTOTTORANG 24:5 - KITTA' MATANGKASA'

⁵ Nasaba' baji' nalalang ri turunganna Eleazar, kammayatompa lalang ri turunganna Itamar, nia' pajaba'-pajaba' Balla'Na Batara siagang pamimping-pamimping agama, jari untu' anjo pambageang tugasaka niallemi nigoccang.

1 PATTOTTORANG 24:5 Referans Kwoze

1 PATTOTTORANG 24:31

Untu' pa'le'basanna tugasa'na ke'nanga, massing-massing kapala kaluarga siagang sitau andi'na bura'nea a'besoki lomoro' nigoccang situru' apa nagaukanga sikamma sari'battanna ke'nanga, iamintu sikamma imang turunganna Harun. Anjo lomoro' nigoccanga nisa'bi ri Karaeng Daud siagang Zadok, Ahimelekh siagang kapala-kapala kaluarga battu ri golongang imanga siagang battu ri golongang tu Lewi.

LAMPA-LAMPANA 5:24

Ri wattunna nalangngere' perwira pangawalaka ri Balla'Na Batara siagang imang-imang kapalaya anjo laporanga, lingumi ke'nanga annawa-nawai passala'na anjo tunisuroNa Allata'ala. Siagang malla'mi ke'nanga ampikkiriki angkana apa are kutadeng lakajariang.

LAMPA-LAMPANA 4:6

Assibuntulu' ngasemmi ke'nanga siagang Imang Malompoa iamintu Hanas, siagang Kayafas, Yohanes, Aleksander, kammayatompa sikontu bija ma'reppese'na anjo imang lompoa.

LAMPA-LAMPANA 4:1

Lalang a'bicarana ija Petrus siagang Yohanes mae ri anjo taua ngaseng, battumi imang-imang kapalaya, komandang pajagaya ri Balla'Na Batara, kammayatompa tu Sadukia mae ri ke'nanga.

LAMPA-LAMPANA 1:26

Le'baki anjo, nilotereimi anjo ruaya areng, natu'guru' mae ri Matias. Jari niangka'mi Matias a'jari tunisuro, lasiaganga anjo sampuloa asse're tunisuroNa Allata'ala.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

MATIUS 26:3

Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

2 PATTOTTORANG 35:8

Manna sikamma pagawe-pagawena Yosia assare tongi sumbangang untu' imang-imanga siagang tu Lewia battu ri sikontu ra'yaka. Pagawe-pagawe nisare tugasa' untu' Balla'Na Batara, iamintu Imang Lompo Hilkia, Zakharia siagang Yehiel, sipattallui assare tongi mae ri imanga iamintu 2.600 ana' gimbala' siagang bembe rungka, kammayatompa 300 sapi laki untu' passare mae ri anjo allo passua'-suarranga.

YOSUA 18:10

Nampa nabuang Yosua lotereia untu' angngassengi apa Napattantua Batara mae ri ke'nanga. Le'baki anjo napassareammi Yosua anjo pambageang buttaya mae ri tunggala' sukua lalang ri bansa Israel tenayapa nanggappa pambageang butta.

1 PATTOTTORANG 24:4

Turunganna Itamar nibagei a'jari sagantuju pa'rappungang; na turunganna Eleazar nibagei lalang sampulo angngappa' pa'rappungang, nasaba' lalang ri turunganna Eleazar jaiangangi bura'ne a'jari kapala kaluarga.

1 PATTOTTORANG 26:13

Massing-massing pa'rappungang passibijang ia lompoa yareka ca'dia, ammeso' ngasengi lomoro' nigoccang untu' angngassengi angkanaya ri bageang pakke'bu' lompoang kereanga mae ke'nanga latugasa'.

1 PATTOTTORANG 25:8

Untu' antantukangi pa'le'bassang tugasaka, yangasenna ke'nanga ammesoki lomoro' nigoccanga, tau rungka yareka tau toa, ia niakamo pangalamanna yareka ia beru appilajaraka.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”