1 PATTOTTORANG 24:1 - KITTA' MATANGKASA'

^1-3 Harun nia' appa' ana'na bura'ne, iamintu: Nadab, Abihu, Eleazar, siagang Itamar. Rioloangangi mate Nadab siagang Abihu na manggena ke'nanga. Tena ana'na ke'nanga namate. Lanri kammana, ia a'jaria imang iamintu sari'battanna ke'nanga, iamintu Eleazar siagang Itamar. Nabagemi Daud turunganna Harun lalang siapa are pa'rappungang situru' tugasa'na ke'nanga. Lalang nabagena Daud anjo pambageang pa'rappunganga, nibantui ri Zadok, turunganna Eleazar siagang Ahimelekh turunganna Itamar.

1 PATTOTTORANG 24:1 Referans Kwoze

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

1 PATTOTTORANG 23:6

Nabagemi Daud anjo tu Lewia lalang tallu pa'rappungang, situru' bijanna ke'nanga, iamintu bijanna Gerson, Kehat, siagang Merari.

PAMMILANGNGANG 26:60

Harun nia' appa' ana'na bura'ne, iamintu: Nadab, Abihu, Eleazar siagang Itamar.

PAMMILANGNGANG 3:2

Harun nia' appa' ana'na bura'ne, iamintu: Nadab kaminang toaya, nampa Abihu, Eleazar siagang Itamar.

1 PATTOTTORANG 6:3

Amram nia' rua ana'na bura'ne, iamintu: Harun siagang Musa, siagang sitau baine, iamintu niarenga Miryam. Harun nia' appa' ana'na bura'ne, iamintu: Nadab, Abihu, Eleazar, siagang Itamar.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

1 PATTOTTORANG 28:13

Kammayatompa napassareang tommi rancanaya ri sesena sikamma pambageang pa'rappunganna imang-imanga siagang tu Lewi, ri sesena tugasa'-tugasa' musti najamaya ke'nanga, iamintu jama-jamanna ke'nanga ri Balla'Na Batara siagang untu' amparakai sikontu pakkakasa' sambayanga.

2 PATTOTTORANG 5:11

Sikontu imang niaka anjoreng, battu ri sikontu kalompoka, le'ba' kabusu'mi napasadia kalenna untu' anggaukangi anjo upacaraya. Sikontu pakelonga siagang pakarena musika lalang ri suku Lewi, iamintu Asaf, Heman, Yedutun siagang sikontu anggota lokoang bijanna ke'nanga, ammakei pakeang kaeng lenang. Anjo tu Lewia ammentengi ri rayanganna tampa' pakkoro'bangnganga anna'gala' gambusu' siagang kacaping. Nia' naagang ke'nanga 120 tau imang patui' tarompe'. Kelonna pakelonga nipasiallei siagang sa'ra musi' tarompe', gambusu' siagang pakkakasa' musi' maraengannaya. Kammaminne kana-kana pammuji nakelonganga ke'nanga untu' Batara: “Pujimi Batara, lanri baji'Na, Mangngamaseangi satunggu-tungguna.” Ri wattunna assulu' sikamma imanga battu ri anjo Balla'Na Batara, ti'ring rassimi anjo Ballaka siagang caya kahaderanNa Batara, sa'genna takkulleamo ke'nanga ampannarrusuki upacara panynyombanga.

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

2 PATTOTTORANG 23:8

Anjo parentana Yoyada nigaukammi ri tu Lewi siagang ra'ya' Yehuda. Sikamma tau lappasa' tugasaka ri allo Pammari-marianga tena nanipa'biangi ammotere'. Jari sikamma perwiraya akkullei napagio' ngaseng baji' tau beru lappasa' tugasaka kammayatompa tau beru battua untu' anggaukangi tugasa'na.

2 PATTOTTORANG 31:2

Napattantumi ammotere' regu-reguna sikamma imanga siagang tu Lewia situru' pambageang tugasa'na ke'nanga. Anjo tugasa'-tugasa'na massing ke'nanga iamintu: assare koro'bang nitunu siagang koro'bang pappasiama', allayani upacara panynyombang ri Balla'Na Batara, kammayatompa mammuji siagang appala' sukkuru' mae ri Batara lalang ri a'rupa-rupaya tampa' ri Balla'Na Batara.

EZRA 6:18

Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

PAMMILANGNGANG 3:4

Mingka Nadab siagang Abihu matei ri parang lompo Sinai, ri wattunna andallekang Batara siagang pepe' tenaya nahallala'. Anjo ke'nanga ruaya massing tena ana'na. Jari lalang attallasa'na ija Harun, Eleazar siagang Itamar tugasa' salaku imang.

1 PATTOTTORANG 6:34

Elkana, Yeroham, Eliel, Toah,

EZRA 7:5

Abisua Pinehas Eleazar Imang Lompoa Harun.