1 PATTOTTORANG 23:6 - KITTA' MATANGKASA'

⁶ Nabagemi Daud anjo tu Lewia lalang tallu pa'rappungang, situru' bijanna ke'nanga, iamintu bijanna Gerson, Kehat, siagang Merari.

1 PATTOTTORANG 23:6 Referans Kwoze

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

1 PATTOTTORANG 6:1

Lewi nia' tallu ana'na bura'ne, iamintu: Gerson, Kehat, siagang Merari.

EZRA 6:18

Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

1 PATTOTTORANG 6:16

Lewi nia' tallu ana'na bura'ne, iamintu: Gerson, Kehat, siagang Merari.

2 PATTOTTORANG 35:10

Ri wattunna sadia kabusu'mo untu' kasuarranna Allo Paskaya, massing mangemi ri tampa'na sikamma imanga siagang regu-reguna tu Lewia, sangkamma le'baka naparentakang karaenga.

2 PATTOTTORANG 31:2

Napattantumi ammotere' regu-reguna sikamma imanga siagang tu Lewia situru' pambageang tugasa'na ke'nanga. Anjo tugasa'-tugasa'na massing ke'nanga iamintu: assare koro'bang nitunu siagang koro'bang pappasiama', allayani upacara panynyombang ri Balla'Na Batara, kammayatompa mammuji siagang appala' sukkuru' mae ri Batara lalang ri a'rupa-rupaya tampa' ri Balla'Na Batara.

1 PATTOTTORANG 26:1

Iaminne pambageang tugasa' untu' sikamma tu Lewi a'jaria pangawala'na Balla'Na Batara. Battu ri passibijanna Korah ia nijo'joka iamintu Meselemya ana'na Kore battu ri kaluarga Ebyasaf.

1 PATTOTTORANG 24:1

Harun nia' appa' ana'na bura'ne, iamintu: Nadab, Abihu, Eleazar, siagang Itamar. Rioloangangi mate Nadab siagang Abihu na manggena ke'nanga. Tena ana'na ke'nanga namate. Lanri kammana, ia a'jaria imang iamintu sari'battanna ke'nanga, iamintu Eleazar siagang Itamar. Nabagemi Daud turunganna Harun lalang siapa are pa'rappungang situru' tugasa'na ke'nanga. Lalang nabagena Daud anjo pambageang pa'rappunganga, nibantui ri Zadok, turunganna Eleazar siagang Ahimelekh turunganna Itamar.

1 PATTOTTORANG 23:7

Gerson nia' rua ana'na bura'ne, iamintu: Ladan siagang Simei.

1 PATTOTTORANG 28:13

Kammayatompa napassareang tommi rancanaya ri sesena sikamma pambageang pa'rappunganna imang-imanga siagang tu Lewi, ri sesena tugasa'-tugasa' musti najamaya ke'nanga, iamintu jama-jamanna ke'nanga ri Balla'Na Batara siagang untu' amparakai sikontu pakkakasa' sambayanga.

2 PATTOTTORANG 23:18

Nampa nasare tugasa' Yoyada sikamma imanga siagang tu Lewia untu' angngurusuki jama-jamanga ri Balla'Na Batara situru' pambageang jama-jamang le'baka natantukang Karaeng Daud. Musti assarei ke'nanga koro'bang nitunu mae ri Batara – situru' hukkung-hukkung napassareanga Musa – siagang passua'-suarrang kammayatompa kelong-kelong sangkamma le'baka naatoro' Daud.

PAMMILANGNGANG 3:3

Nilantiki ke'nanga a'jari imang siagang upacara iamintu nitiriki minynya' tompo' ulunna ke'nanga.

PAMMILANGNGANG 3:17

Anjo Lewi nia' tallu ana'na bura'ne, iamintu: Gerson, Kehat siagang Merari. Iami ke'nanga boe-boena golongang bija nisa'buka situru' arenna ke'nanga. Gerson nia' rua ana'na bura'ne iamintu: Libni siagang Simei. Kehat nia' appa' ana'na bura'ne iamintu: Amram, Yizhar, Hebron siagang Uziel. Merari nia' rua ana'na bura'ne, iamintu: Mahli siagang Musi. Iaminjo ke'nanga boe-boena sikamma kaluarga nisa'buka situru' arenna ke'nanga.

PAMMILANGNGANG 4:4

Ia jama-jamanna ke'nanga iamintu angngurusuki sikamma barang-barang Kaminang Matangkasaka.

2 PATTOTTORANG 35:4

Pasadiami kalennu ri Balla'Na Batara situru' massing regunu, siagang situru' pambageang tugasa' le'baka nipattantuangko ri Karaeng Daud siagang Karaeng Salomo ana' bura'nena.