1 PATTOTTORANG 23:5 - KITTA' MATANGKASA'

⁵ nia' 4.000 nasare tugasa' a'jari pangawala', siagang 4.000 pole untu' ammuji Batara siagang pakkakasa' musi' niaka nipasadia.

1 PATTOTTORANG 23:5 Referans Kwoze

AMOS 6:5

Nungai appareka kelong, sangkamma nagaukanga Daud, siagang nungai angkelongangi anjo lagua nururungang kacapi.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

NEHEMIA 7:73

Sikamma imang, tu Lewi, pajaga pakke'bu' lompona Balla'Na Batara ri Yerusalem, pakelonga, jai battu ri ra'ya' biasaya, sikamma pajamaya ri Balla'Na Batara ri Yerusalem, bodona kana: sikontu ra'ya' Israel ammantammi ri kota-kotaya siagang ri desa-desaya ri sikontu Pa'rasangang Yehuda.

2 PATTOTTORANG 35:15

Sikamma pakarena musika battu ri passilokoang bijanna Asaf ri suku Lewi, niaki ri tampa' tugasa' le'baka natantukang Karaeng Daud untu' ke'nanga. Iaminne areng-arenna ke'nanga: Asaf, Heman, siagang Yedutun tau anjamaya untu' karaenga. Sikamma pangawala'na pakke'bu' lompoa tena naparallu ambokoi tampa'na ke'nanga, lanri akkulle tonji nagaukang anjo Allo Lompo Paskaya ri massing tampa'na ke'nanga nibantu ri tu Lewi maraengannaya.

1 PATTOTTORANG 16:38

na nibantu ri Obed-Edom ana'na Yedutun, siagang 68 tau maraengannaya battu ri bijanna. Obed-Edom siagang Hosa iami pangawala'na sikamma pakke'bu' lompoa.

1 PATTOTTORANG 9:33

Sipa'gang tu Lewi maraengannaya, iami tugasa' anjari pakelong lalang ri Balla'Na Batara. Sikamma kapala-kapala kaluargana ke'nanga ammantangi ri siapa are bangunang ri Balla'Na Batara. Tena nisarei ke'nanga tugasa' maraeng, lanri tugasa' allo bangngi ke'nanga.

1 KARAENG-KARAENG 10:12

Anjo kayua napakei Salomo untu' appare' tarali-tarali ri Balla'Na Batara siagang ri balla' kakaraenganga; kammayatompa untu' appare' kacapi siagang gambusu' untu' sikamma pakelonga. Anjo kayu-kayua iami kayu cendana kaminang baji' ia le'baka nipabattu mange ri Israel; tena le'bakami ribokoanganna accini' taua kayu kammaya anjo baji'na.)

2 KARAENG-KARAENG 7:10

Lanri kammana anjo ammotere'mi ke'nanga mange ri Samaria nampa akkio' mae ri pangawala'na pakke'bu' lompona kotaya, angkana, “Le'baki kambe a'lampa mange ri pakkemaanna tu Siria, nampa tena sikalimo tau anjoreng. Narapikangi kambe jaranna siagang keledaina ke'nanga nia' ngasengiji tappaukang ri tampa'na, nampa kemana ke'nanga nabokoi bawang-bawanji.”

1 PATTOTTORANG 16:4

Angngangka'mi Daud siapa are tu Lewi untu' ampimpingi pa'gaukang passambayanganga mae ri Batara, Allata'alana Israel, ri dallekanna anjo Patti Parjanjianga, siagang kelong, na pammuji-muji.

1 PATTOTTORANG 23:30

Pantaranganna anjo musti akkelongi ke'nanga untu' ammuji ri Batara, bari'basa' karueng.

2 PATTOTTORANG 20:28

Ri wattunna battu ke'nanga ri kotaya, a'barrisiki ke'nanga mange ri Balla'Na Batara nirurungang siagang sa'ra kacaping siagang tarompe'.

2 PATTOTTORANG 34:13

nisarei tugasa' angngawasi lalinganna bahang-bahanga, a'jari kapala ri a'rupa-rupaya jama-jamang, anjamai sura'-suraka, siagang anjagai pakke'buka.

YESAYA 64:10

Kota-kota matangkasatTa sanrapammi parang lompoa, Yerusalem a'jari parang kalotoro' siagang sino.