1 PATTOTTORANG 23:4 - KITTA' MATANGKASA'

⁴ Nampa nasare tugasa' 24.000 tau battu ri ke'nanga untu' anggaukangi jama-jamanga lalang ri Balla'Na Batara, 6.000 untu' angngurusu' sura'-sura' siagang kara-karaya lalang ri pangadelang,

1 PATTOTTORANG 23:4 Referans Kwoze

2 PATTOTTORANG 19:8

Kamma todong ri Yerusalem angngangka' tongi Yosafat haking-haking; nia' tau battu ri suku Lewi naangka', nia' tau battu ri imang-imang, siagang nia' todong tau battu ri pamimping-pamimpinna ra'yaka. Musti natappuki ke'nanga punna nia' kara-kara passabakkang nidakkaina hukkunNa Batara siagang kara-kara maraengannaya.

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

NEHEMIA 11:22

Sikamma pangawasa' tu Lewi, ia ammantanga ri Yerusalem, iamintu Uzi ana'na Bani, cucunna Hasabya. Siapa area boe-boena iamintu kammaya Matanya siagang Mikha. Antama tongi golongang Asaf, ia tugasaka angngurusuki pamusika ri wattu passambayanganga ri Balla'Na Batara ri Yerusalem.

NEHEMIA 11:9

ri Yoël ana'na Zikhri siagang wakkele'na, Yehuda ana'na Hasenua.

1 PATTOTTORANG 6:48

Tugasa'-tugasa' maraenga lalang ri balla' sambayanga nipassareangi ri tu Lewi maraengannaya.

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

2 PATTOTTORANG 23:18

Nampa nasare tugasa' Yoyada sikamma imanga siagang tu Lewia untu' angngurusuki jama-jamanga ri Balla'Na Batara situru' pambageang jama-jamang le'baka natantukang Karaeng Daud. Musti assarei ke'nanga koro'bang nitunu mae ri Batara – situru' hukkung-hukkung napassareanga Musa – siagang passua'-suarrang kammayatompa kelong-kelong sangkamma le'baka naatoro' Daud.

2 PATTOTTORANG 34:13

nisarei tugasa' angngawasi lalinganna bahang-bahanga, a'jari kapala ri a'rupa-rupaya jama-jamang, anjamai sura'-suraka, siagang anjagai pakke'buka.