1 PATTOTTORANG 22:6 - KITTA' MATANGKASA'

⁶ Nakio'mi Daud ana' bura'nena iamintu Salomo, nampa naparentakang untu' ambangungi anjo Balla'Na Karaeng Allata'ala nasombaya umma' Israel.

1 PATTOTTORANG 22:6 Referans Kwoze

2 TIMOTIUS 4:1

Labattu poleangi Isa Almasi antama' ri anne linoa untu' angngadeli sikontu tau attallasaka siagang tau matea; siagang labattui untu' ammarenta, a'jari Batara. Iami anjo saba'na nakupala' tojeng-tojeng mae ri kau, ri dallekanNa Allata'ala siagang Isa Almasi:

1 TIMOTIUS 5:21

Ri dallekanNa Allata'ala, Isa Almasi, siagang malaeka'-malaeka' nipileNa, kupala' tojeng-tojengi ri kau sollanna nuturuki anne pappakaingaka; teako ranggaselai manna ri nai, siagang teako assialle-alleangangi.

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

PAOLE 31:14

Nampa Nakana Batara mae ri Musa, “Tenamo nusallo attallasa'. Jari, kioki Yosua, siagang erangi mae ri KemaKu, sollanna akkulle Kusare siapa are pangngunju'.” Jari a'lampami Musa siagang Yosua mange ri anjo Kemaya,

PAMMILANGNGANG 27:23

Nampa napadongko' limanna irate ri tompo' ulunna Yosua siagang napa'la'bammi napabattu angkanaya Yosua ansambeangi, situru' kananNa Batara mae ri ia.

PA'JARIANG 12:20

Naparentakammi karaenga mae ri siapa are pagawena, nampa naerang assulu' ke'nanga anjo Abram battu ri anjo pa'rasanganga siagang bainenna kammayatompa sikamma barang-baranna.

1 KARAENG-KARAENG 2:1

Ambaninamo narapi' a'jala'na Daud, nakio'mi Salomo, ana' bura'nena, nampa nasare pappasang-pappasang kala'busang. Nakana Daud,

2 SAMUEL 7:1

Najagai Batara anjo Karaeng Daud battu ri karicuanna musunna, sa'genna akkulle ammantang tuli lalang ri balla' kakaraenganna.

1 PATTOTTORANG 17:1

Ammantannamo Daud ri balla' kakaraenganna, ri se'reang allo nakio'mi Na'bi Natan nampa nakana ri ia, “Ciniki anne, ammantamma' ri balla' kakaraengang nipareka battu ri kayu camara battua ri Libanon, mingka Patti ParjanjianNa Batara poro lalanji bawang ri kemaya ammantang!”

1 PATTOTTORANG 28:2

Ammentemmi Daud ri dallekanna ke'nanga nampa nakana, “Sikamma sari'battang julu bansaku, pilangngeri anne kanangku! Salloma' ero' ambangung se're balla' attantu untu' Patti Parjanjiang, pattuppuang bangkenNa Karaeng Allata'alata. Le'ba'ma' appare' parsadiaang untu' ambangung se're balla' untu' a'jari tampa' anynyomba mae ri Ia.