1 PATTOTTORANG 22:5 - KITTA' MATANGKASA'

⁵ Nagaukang ngasemmi Daud sikammaya anjo lanri napikkiriki angkana, “Musti kupasadiai apa niparalluanga untu' bangunanna Balla'Na Batara. Nasaba' Salomo anakku rungka iji siagang kurang iji pangalamanna. Nampa anjo Balla'Na Batara eroka nabangung musti sannaki ga'gana siagang masahoroki mae ri sikontu linoa.” Jari lalang tenanapa namate Daud, appasadiami jai sikali bahang bangunang.

1 PATTOTTORANG 22:5 Referans Kwoze

1 PATTOTTORANG 29:1

Nampa nakana Karaeng Daud mae ri sikontu tau a'rappunganga anjoreng, “Battu ri sikontu ana' bura'neku, Salomomi Napile Allata'ala. Mingka rungka dudu iji siagang kurang iji pangalamanna, naanne jama-jamanga sanna' lompona. Nampa pole anjo lanibangunga teai balla' karaeng rupatau, passangalinna balla' untu' Karaeng Allata'ala.

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

YOHANES 13:1

Siallo ri tenanapa narapiki Allo Lompona Paskaya, Naassemmi Isa angkanaya narapi'mi wattunna laNabokoi anne linoa nampa ammotere' mae ri ManggeNa. Nakamaseangi tau a'jaria umma'Na ri anne linoa, siagang tuli laNakamaseangi ke'nanga sa'genna kala'busang lino.

YOHANES 3:30

Iami musti a'jari pila' niparalluangang, na inakke a'jari pila' kurang niparalluamma'.”

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

LUKAS 21:5

Nia' siapa are tau ambicarai antekamma ga'gana Balla'Na Batara. Nasaba' nibelo-beloi batu-batu sannaka ga'gana siagang barang-barang nipassidakkanga ri Allata'ala. Nakanamo Isa ri ke'nanga,

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

HAGAI 2:3

“Nia' ijaka ri alla'nu angngu'rangi antekamma la'biri'na anne BallakKu pirangalloang? Kamma-kamma anne antekamma kaadaanna, turu' panggappanu? Sai tena sikali nabaji' pakkasiaka anciniki?

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

EZRA 3:12

Jai ri sikamma imanga, tu Lewia, siagang kapala-kapala golongang toa duduamo umuru'na, le'baki nacini' Balla'Na Batara rioloa. Ri wattunna nacini' ke'nanga nipadongko' batu pundasina anne Balla'Na Batara, angngarru' lompomi ke'nanga. Mingka tumaraengannaya hadereka anjoreng ammarrang-marrangi napakamma sanna' rannuna.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

2 PATTOTTORANG 7:21

Anne Balla' sambayanga kamma-kamma anne sanna' nipakalompona, mingka anjo sallang wattua sikamma tau numaloa lalannasa' kabusuki anciniki. Lanakana ke'nanga, ‘Angngapa nanapakamma anjo Batara anne pa'rasanganga siagang anne ballaka?’

2 PATTOTTORANG 2:5

Erokku anjo Balla'Na Batara kubangunga a'jari balla' mala'biriki, lanri anjo Allata'alana ikambe la'bi mala'birangngangi na rewata maraengannaya.

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

PANGNGEBARANG 4:3

Ri wattungku ca'di ija, ana' sitau-tauna tau toaku,

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

2 PATTOTTORANG 2:8

Kuassengi angkanaya sikamma pata'bang kayua ri pa'rasanganta cara'de' kabusuki anna'bang kayu; lanri kammana anjo kikiringang laloa' a'rupa-rupa kayu camara siagang kayu candana battu ri Libanon. Lakupagioki taungku untu' ambantui taunta,