1 PATTOTTORANG 21:9 - KITTA' MATANGKASA'

⁹ Nakanamo Batara mae ri Na'bi Gad, ia a'jaria panynyambung bicara ri Daud siagang Batara,

1 PATTOTTORANG 21:9 Referans Kwoze

2 SAMUEL 24:11

Nakanamo Batara mae ri Na'bi Gad a'jaria panynyambung bicara ri Daud mae ri Batara, “A'lampako siagang pauangi Daud angkanaya laKusuroi ammile ri tallua passala'. Kereanga napilei iami laKugaukang.” Ammukona bari'basa', ri ambangunnamo ri tinrona Daud,

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

1 SAMUEL 22:5

Ri se'reang allo nia'mo sitau na'bi niarenga Gad battu mae ri Daud na nakana, “Teako ammantangngi anrinni ri kali'bonga. A'lampako linta' mange ri Yehuda.” Jari a'lampami Daud, nampa antama' ri romang Keret.

1 PATTOTTORANG 21:10

“A'lampako nanupau mae ri Daud angkanaya Kusuroi ammile ri tallua passala'. Manna kereanga napile iami laKugaukang.”

1 PATTOTTORANG 25:5

Heman iami na'bi kalenna karaenga. Napassareangi Batara anjo sampuloa angngappa' ana' bura'ne siagang tallu ana' baine mae ri Heman, lanri le'ba'mi a'janji Batara ri ia untu' assarei empoang kala'birang.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,