1 PATTOTTORANG 21:12 - KITTA' MATANGKASA'

¹² Natujui anne pa'rasanganga bala kacipurang tallun taung sallona, yareka pitilari-lariki' niondang ri musua ri kere-keremae tallum bulang sallona, yareka sikontu anne pa'rasanganga tallungalloi nitujui ri pa'danNa Batara iamintu nibattui ri garring ri kere-keremae, kammayatompa battui malaeka'Na angngerang kamateang ri kere-keremae. Kitappukimi ri kamma-kammaya anne apa musti kupabattu mae ri Batara.”

1 PATTOTTORANG 21:12 Referans Kwoze

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

LUKAS 4:25

Mingka pilangngerimi anne: ri jammang nia'na Na'bi Elia, ri wattu tenana naturung bosia tallun taung sitangnga, naallemi cipuru' sikontu bonena pa'rasanganga. Na anjo wattua jai janda ri Israel.

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

YEREMIA 42:16

“Anjo pa'bundukang siagang kacipurang nukamallakkanga lanaondangko sa'gennu mange ri Mesir, siagang lamateko anjoreng ri pa'rasanganga.

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

PAMMUJI 91:6

ri bala battua ri wattu sassanga, yareka kaancurang antujuako ri tangngana alloa.

2 KARAENG-KARAENG 19:35

Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PAOLE 28:35

LaNapirassi Batara anjo bangkennu siagang puru lompo siagang pa'risika, tenaya nakkulle ammolle; battu ri bangkennu sa'genna tompo'na ulunnu larassi siagang lattang.

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 28:22

LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.

PAOLE 28:15

“Mingka punna taerokako mannuruki ri Karaeng Allata'alanu, siagang tamajarrekai pa'mai'nu anggaukangi sikontu parentaNa siagang hukkunNa kupassareanga mae ri kau anne alloa, sikontu anne pattunra kammaya lanatujuko:

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 26:10

Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

1 PATTOTTORANG 21:11

A'lampami Gad mae ri Daud na napabattu anjo pappasanNa Batara, angkana, “Kereanga lakipile: