1 PATTOTTORANG 20:5 - KITTA' MATANGKASA'

⁵ Lalang ri pa'bundukang maraengannaya angngewai tu Filistin ammunomi Elhanan iamintu ana'na Yair tu niarenga Lahmi sari'battanna Goliat tu Gat. La'ba'na pa'na'gallanna pokena anjo Lahmi teai sipato' lompona.

1 PATTOTTORANG 20:5 Referans Kwoze

2 SAMUEL 21:19

Lalang ri pa'bundukang maraengannaya a'bali tu Filistin ri Gob, Elhanan ana'na Yair battu ri Betlehem ambunoi Goliat battua ri Gat. Panna'gallang pokena Goliat sallompoi kayu pattannunga.

1 SAMUEL 22:10

Appalaki pitunju' Ahimelekh mae ri Batara ri passala'na apa mustia lanagaukang Daud. Pantaranganna anjo napibokongi tommi Daud kanre, siagang nasareangi pa'danna Goliat, anjo tu Filistin.”

1 SAMUEL 21:9

Appialimi Ahimelekh angkana, “Nia' kuboli' pa'danna Goliat, anjo tu Filistin le'baka nubuno ri Lappara' Ela. Anjo pa'danga niaki ri boko Efod, nirokoka kaeng. Punna erokko, alle mami, nasaba' iaji anjo bawang sanjata niaka anrinni.” Nakanamo Daud, “Anjo pa'danga, iami pa'dang kaminang bajika ri sikontu pa'rasangang, passareammi mae ri nakke!”

1 SAMUEL 17:7

Panna'galang pokena teai sipato' la'ba'na, siagang mata pokena nia' kira-kira tuju kilo battala'na. Nia' sitau tantara a'jappa ri dallekanna angngerangi pannangkisi'na.

1 SAMUEL 17:4

Na nia'mo se're tau pore assiba'ji iamintu niarenga Goliat, tu battu ri kota Gat, assuluki battu ri kemana tu Filistin untu' ampa'ngarai tu Israel. Tinggina nia' kira-kira tallu metere',

1 PATTOTTORANG 11:23

Le'ba' tongi ammuno se're tu Mesir, ia sannaka lompona pakkaleanna; tinggina la'bi rua metere'. Sanjatana anjo taua iamintu poke sannaka lompona, mingka palu-paluji napake Benaya angngewai. Narampasaki anjo poke niaka ri limanna anjo tu Mesirka nampa napake ambunoi anjo taua.

1 PATTOTTORANG 20:6

Lalang ri pa'bundukang maraengannaya ri Gat, nia' sitau sannaka lompona kalenna, ia annanga karemenna ri limanna siagang bangkenna. Ia turungang tu sanna' lompona battu ri jammang riolo.