1 PATTOTTORANG 20:1 - KITTA' MATANGKASA'

¹ Ri wattu ribokoanganna, iamintu ri wattu biasana a'lampa karaenga a'bundu', napagio'mi tantarana Yoab mange a'bundu' nampa narampasa' pa'rasangang Amon. Anjo wattua ammantanji Daud ri Yerusalem, siagang tamminawangai. Yoab siagang tantarana nakurummi kota Raba, nampa nabunduki siagang naancuru' anjo kotaya.

1 PATTOTTORANG 20:1 Referans Kwoze

2 SAMUEL 11:1

Biasana wattu accu'la'na leko'-leko' kayua namaju sikamma karaenga a'bundu'. Na ri wattu accu'la'na leko'-leko' kayua anjo taunga nasuromi Daud anjo Yoab maju a'bundu' siagang ngaseng sikamma perwiraya siagang sikontu tantara Israel; nampa nabetamo ke'nanga tu Amon siagang nakurummi kota Raba. Mingka Daud ammantangi ri Yerusalem.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

YEHEZKIEL 25:5

Kota Raba la'jari tampa' pakkalawakiang unta, siagang sikontu pa'rasangang Amon la'jari tampa' pakkalawakiang gimbala'. Jari nuassemmi angkanaya iNakkemi Batara.’ ”

YESAYA 54:16

INakke ampa'jari tukang bassia angkapeki pepeka untu' ande'deki parekang sanjataya. INakke todong ampa'jari tantaraya ammakea sanjata untu' a'bundu' siagang ammuno.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

2 KARAENG-KARAENG 13:20

Tena siapa sallona matemi na nitarawang Elisa. Anjo wattua masarroi garombolang-garombolanna tu Moab battu ambunduki pa'rasangang Israel iamintu tassikali sitaung.

1 KARAENG-KARAENG 20:26

Ri wattu appakkaramulanamo accu'la sikamma poko'-pokoka, napagio'mi tantarana battu ri kota Afek untu' ammajui tu Israel.

1 KARAENG-KARAENG 20:22

Nampa battumo pole anjo na'bia mange ri Ahab siagang angkana, “Kamma-kamma anne bajikangngang ammotere' maki' siagang kikassakki kalenta, kammayatompa apparekki' rancana bajika, nasaba' labattu iji karaeng Siria ammajuiki' ri wattu pakkaramula accu'la'na sikamma poko'-poko' attallasaka.”

2 SAMUEL 17:27

Ri wattunna battu Daud ri Mahanaim, niruppaimi ri Sobi ana'na Nahas battu ri kota Raba ri Amon, siagang ri Makhir ana'na Amiel battu ri Lodebar, kammayatompa ri Barzilai

1 PATTOTTORANG 19:19

Ri wattunna nacini'mo sikamma karaeng nikoasaia ri Hadadezer angkanaya nibetami ke'nanga ri tantarana Israel, appala' damemi ke'nanga mae ri Daud, natundu' mae ri ia. Le'baki anjo taerokami tu Siria ambantui pole tu Amon.