1 PATTOTTORANG 2:42 - KITTA' MATANGKASA'

⁴² Kaleb, sari'battanna Yerahmeel, nia' sitau ana'na bura'ne niarenga Mesa. Iami ana' kaminang toa. Mesa iami manggena Zif, Zif manggena Maresa, Maresa manggena Hebron.

1 PATTOTTORANG 2:42 Referans Kwoze

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

ROMA 8:29

Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.

1 PATTOTTORANG 8:29

Yeiel ambangungi kota Gibeon, nampa ammantang anjoreng. Bainenna niarengi Maakha.

1 PATTOTTORANG 2:52

Syobal, ambangungai kota Kiryat-Yearim, iami boe-boena tu Haroë, boe-boena sipa'gang tau ammantanga ri Menuhot,

1 PATTOTTORANG 2:49

nampa anggappa pole ke'nanga rua ana' bura'ne niarenga: Saaf siagang Sewa. Saaf iami ambangungi kota Madmana, na Sewa ambangungi kota Makhbena siagang Gibea. Nia' todong ana'na Kaleb sitau baine niarenga Akhsa.

1 PATTOTTORANG 2:45

Samai iami manggena Maon, na Maon iami manggena Bet-Zur.

1 SAMUEL 26:1

Ri se'reang allo, nia'mo siapa are tau battu ri Zif battu mange ri Saul ri Gibea na napauang angkanaya niaki Daud accokko ri Moncong Hakhila ri birinna parang lompona Yehuda.

1 SAMUEL 23:19

Nampa nia'mo siapa are tu Zif mange andallekang ri Saul ri Gibea na nakana, “Niaki Daud accokko ri daerana ikambe, ilalang ri kali'bong-kali'bong ri ampi'na Hores, irate ri Bonto Hakhila timboranna parang lompona Yehuda.

PA'JARIANG 49:3

Ruben, anakku toaya, ikaumi kagassingangku, rappo uruna kaporeangku. Ikau kaminang gammara' siagang kaminang gassing ri alla'na sikontu anakku.

1 PATTOTTORANG 2:43

Hebron nia' appa' ana'na bura'ne, iamintu: Korah, Tapuah, Rekem, siagang Sema.

YOSUA 15:55

Kammayatompa anne sampuloa kota siagang desa-desa niaka ri tammulilina: Maon, Karmel, Zif, Yuta, Yizreel, Yokdeam, Zanoah, Kain, Gibea siagang Timna.

1 PATTOTTORANG 2:9

Hezron nia' tallu ana'na bura'ne, iamintu: Yerahmeel, Ram, siagang Kaleb.