1 PATTOTTORANG 2:23 - KITTA' MATANGKASA'

²³ Mingka battui kakaraengang Gesur siagang Aram ambetai annampulo desa niaka anjoreng ri daeraya, kammayatompa desa-desana tu Yair, desa Kenat, siagang desa-desa ca'di niaka a'reppese. Sikontu tau niaka ammantang anjoreng turungang battu ngaseng ri Makhir, manggena Gilead.

1 PATTOTTORANG 2:23 Referans Kwoze

YOSUA 13:30

Pa'baeng-baenna daerana ke'nanga sa'genna mange ri Mahanaim, kammayatompa sikontu daera Basan – iamintu sikontu daera kakoasanna Og, karaeng Basan, kammayatompa annampuloa kampong-kampong Yair ri Basan.

YOSUA 13:13

Mingka pandudu'na Gesur siagang Maakha tena nabongkai tu Israel; ammantangiji ke'nanga ri Israel.

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)

PA'JARIANG 50:23

Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

1 PATTOTTORANG 2:22

Na anne Segub nia' sitau ana'na bura'ne niarenga Yair, niaka ruampulo antallu desa nakammai ri daera Gilead.

1 PATTOTTORANG 2:24

Ri matenamo Hezron, a'buntimmi ana'na iamintu Kaleb siagang Efrat, iamintu le'ba' bainenna manggena. Ana'na ke'nanga bura'nea niarengi Asyur; iami ambangungi kota Tekoa.