1 PATTOTTORANG 19:6 - KITTA' MATANGKASA'

^6-7 Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

1 PATTOTTORANG 19:6 Referans Kwoze

1 PATTOTTORANG 18:9

Karaeng Tou battu ri Hamat nalangngere'mi angkanaya nabetami Daud sikontu tantarana Hadadezer.

1 PATTOTTORANG 18:5

Akkirimmi tu Siria battu ri Damsyik tantara untu' ambantui Karaeng Hadadezer, mingka nabeta tongi Daud ke'nanga siagang nia' 22.000 jaina tau nabuno.

2 SAMUEL 10:6

Nampa naassemmo kalenna tu Amon angkanaya anjo panggaukanna ke'nanga a'jari passabakkang nanimusumo ke'nanga ri Daud. Lanri kammana anjo assewami ke'nanga 20.000 jaina tantara tu Siria niaka ammantang ri Bet-Rehob siagang Zoba, siagang 12.000 jaina tantara battu ri Tob, kammayatompa karaenna pa'rasangang Maakha siagang 1.000 tau ana' buana.

PA'JARIANG 34:30

Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

PAMMUJI 14:3

Mingka sikontu taua sala gau' ngasemmi siagang panra'mi, manna sitau tania' a'gau' baji'.

2 PATTOTTORANG 27:5

Nabunduki nampa nabeta karaeng Amon siagang tantarana, nampa napassa tu Amon assare pa'bayara'. Tassikali lalang tallun taung musti a'bayara' ke'nanga 3.400 kilogarang pera', ruang rupa gandung, massing-massing 1.000 kilogarang tassirupa.

2 PATTOTTORANG 25:6

Pantaranganna anjo assewa tongi 100.000 tantara battu ri Israel na nabayara' kira-kira 3.400 kilogarang pera'.

2 PATTOTTORANG 18:9

Anjo wattua massing napakei Ahab siagang Yosafat pakeang kalompoanna, ammempo ri empoang kakaraenganga ri ampi'na panggilingang gandunga ri dallekanna pakke'bu' lompona Samaria, nampa battu sikamma na'bia ampabattui kana tappuna ke'nanga.

2 PATTOTTORANG 18:5

Jari appasse'remi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Allata'ala anjo kotaya mae ri katte.”

2 PATTOTTORANG 18:3

Angkanai, “Erokko nakia'lampa siagang mange ambunduki Ramot?” Appialimi Yosafat angkana, “Baji'mi. La'gabungi tantaraku siagang tantaranu. Sipa'rurungangki' a'bundu'.

2 SAMUEL 8:3

Nampa nabeta Daud Karaeng Hadadezer ana'na Rehobot ammarentaya ri Zoba, iamintu se're kakaraengang ri ampi'na kota Damsyik. Anjo wattua sitabangi lalang jappana Hadadezer ero' ampakajarreki ammotere' kakoasanna mae ri daera niaka ri ampi'na ulunna Binanga Efrat.

1 SAMUEL 27:12

Mingka Akhis napatappaki Daud na napikkiri' lalang ri atinna angkanaya, “Sannaki nikabirisinna ri bansana kalenna, sa'genna tarpassa a'jari atangku lalang sikontu tallasa'na.”

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.

1 SAMUEL 13:4

Mae ri sikontu bansa Israel napaumi Saul angkanaya le'baki nabuno panglimana tu Filistin, siagang angkanaya sanna'mi birisi'na tu Filistin mae ri tu Israel. Lanri kammana, amminawang turu'mi ra'yaka ri pakkio'na Saul untu' a'rappungang siagang ia ri Gilgal.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

1 PATTOTTORANG 19:5

Mingka siri'-siri'mi ke'nanga ammotere'. Jari a'lampami ke'nanga mange ri Yerikho. Ri wattunna nipabattu anjo passalaka mae ri Daud, akkirimmi pasang sollanna ammantang ri Yerikho anjo sikamma tau nasuroa sa'genna attimbo ammotere' janggo'na ke'nanga.