1 PATTOTTORANG 19:4 - KITTA' MATANGKASA'

⁴ Jari najakkala'mi Hanun anjo sikamma tunasuroa Daud, nacukkuruki janggo'na ke'nanga, napolong-polongi pakeanna ke'nanga sa'genna ri aya'na mami bodona. Nampa nasuro ke'nanga a'lampa.

1 PATTOTTORANG 19:4 Referans Kwoze

MARKUS 12:4

Jari nasuromi pole palayanna maraenga anjo patanna koko. Mingka napalu-paluimi pajamaya ulunna anjo palayanga, nampa nabongka a'lampa siagang napakka'-pakkanai.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

PAMMUJI 35:12

KabajikanTa nabalasaki kaja'dallang; tallanga' lalang ri tappu' minasaku.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

KAIMANGNGANG 19:27

Teako goncingi uu'nu ri sa'ri ulunnu yareka janggo'nu.

1 PATTOTTORANG 19:3

nakanamo sikamma pamimpinna anjo pa'rasanganga ri Karaeng Hanun, “Teaki' appikkiriki angkanaya nakiringi Daud battu anjo tunisurona, lanri napakala'biri'na manggeta! Nakiringi anjo sikamma taua mae anrinni salaku mata-mata untu' ansalidiki pa'rasanganta, sollanna akkulle narampasa'!”

1 PATTOTTORANG 19:5

Mingka siri'-siri'mi ke'nanga ammotere'. Jari a'lampami ke'nanga mange ri Yerikho. Ri wattunna nipabattu anjo passalaka mae ri Daud, akkirimmi pasang sollanna ammantang ri Yerikho anjo sikamma tau nasuroa sa'genna attimbo ammotere' janggo'na ke'nanga.