1 PATTOTTORANG 19:2 - KITTA' MATANGKASA'

² Nakanamo Karaeng Daud, “Anjo Nahas iami sahabakku tamamminraya, jari musti kamma tonga' anjo mae ri Hanun ana'na.” Jari akkirimmi Daud tunisuro mange ri pa'rasangang Amon untu' ansaleori lanri matena manggena. Ri wattunna anrapi' ke'nanga mange ri Amon,

1 PATTOTTORANG 19:2 Referans Kwoze

1 SAMUEL 30:26

Ri wattunna ammotere' Daud mange ri Ziklag, nakirimmi sipa'gang anjo barang-barang nirampasaka mae ri sikamma pamimpinga ri kota-kota Yehuda le'baka ambantui, nanakana, “Iaminne hadia untu' ikau, iamintu barang-barang narampasaka ikambe battu ri musunNa Batara.”

KATO'BA 9:15

Ri anjo kotaya nia' se're tu kasi-asi mingka cara'deki. Akkullei napasalama' anjo kotaya. Mingka lanri kasi-asi, linta'mi nikaluppai jasana siagang tenamo manna sitau angngu'rangi.

ESTER 6:3

Akkuta'nammi karaenga angkana, “Pappakala'biri' apa siagang pa'balasa' jasa apa le'ba' nisareangi Mordekhai?” Appialimi sikamma anjo palayanga angkana, “Tena apa-apa nisareangi.”

NEHEMIA 13:1

Ri wattunna nibaca ri dallekanna ra'yaka hukkung Musa, nigappami kasingarang angkanaya: ‘Tu Amon siagang tu Moab, tena sikali nakkulle sicampuru' siagang umma'Na Allata'ala;

NEHEMIA 4:7

Ri wattunna nalangngere' Sanbalat, Tobia siagang tu battua ri Amon, tu battua ri Asdod kammayatompa tu Arab, angkana pila' majumi pakabajikanna anjo tembo' kallika ri Yerusalem, kammayatompa appakkaramulami nitongko' sikamma kali'bonna anjo temboka, a'jari teaimi sipato' larrona ke'nanga.

NEHEMIA 4:3

Nampa akkana tommo Tobia niaka ammenteng ri sa'rinna, “Ciniki anjo tembo' nabangunga ke'nanga! Kamanna kongkong romanga akkulle tonji narumbang anjo!”

2 KARAENG-KARAENG 4:13

nakanamo Elisa ri Gehazi, “Kuta'nang sai angkana antekamma bateku akkulle ambalasaki sikamma kaposoanna untu' ikatte. Gassingka nakellaia' a'lampa mange ri karaenga yareka mange ri panglimaya untu' a'bicara lanri kaparalluanna.” Appialimi anjo bainea angkana, “Niaka' ammantang ri tangnga-tangngana bija pammanakangku siagang tenamo apa-apa kakurangangku.”

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

2 SAMUEL 9:1

Ri se'reang allo akkuta'nangi Daud angkana, “Nia' ija bijanna Saul attallasa'? Punna nia' erokka' a'gau' baji' mae ri ia lanri Yonatan.”

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

1 PATTOTTORANG 19:1

Siapa are wattu ribokoanganna, matemi Nahas, Karaeng Amon, nampa Hanun ana' bura'nena ansambeangi a'jari karaeng.

1 PATTOTTORANG 19:3

nakanamo sikamma pamimpinna anjo pa'rasanganga ri Karaeng Hanun, “Teaki' appikkiriki angkanaya nakiringi Daud battu anjo tunisurona, lanri napakala'biri'na manggeta! Nakiringi anjo sikamma taua mae anrinni salaku mata-mata untu' ansalidiki pa'rasanganta, sollanna akkulle narampasa'!”