1 PATTOTTORANG 19:16 - KITTA' MATANGKASA'

¹⁶ Naassemmi kalenna tu Siria angkanaya nibetami ke'nanga ri tu Israel. Jari nakio'mi tantarana ke'nanga battua ri daera bageang rayanganna Binanga Efrat, nampa nasuro anjo tantarana ke'nanga a'bundu' na nipimping ri Sobakh, panglima tantarana Hadadezer Karaeng Zoba.

1 PATTOTTORANG 19:16 Referans Kwoze

2 SAMUEL 10:16

Nampa nasuro kio' Karaeng Hadadezer tu Siria niaka irayanganna Binanga Efrat, sa'genna battumo ke'nanga mange ri Helam nipimping ri Sobakh, panglima tantarana Karaeng Hadadezer battu ri Zoba.

YESAYA 8:9

Annekkere' mako nu'rappungang, he sikontu bansaya! Pilangngeri he sikamma cappa'-cappa' buttaya! Sadiako untu' a'bundu', mingka siagang pa'mai' annekkereka! Iyo, sadia-sadiako, mingka lalang malla'nu!

PAMMUJI 2:1

Angngapa nappare' ricu bansa-bansaya na'rancana suku bansaya apa tama'matu-matua?

1 PATTOTTORANG 19:15

Nacini'na tu Amon angkanaya larimi tantarana Siria, lari tommi ke'nanga ambokoi Abisai nampa ammunduru' antama' ri kotaya. Le'baki nabunduki Yoab tu Amon, ammotere'mi ri Yerusalem.

1 PATTOTTORANG 19:17

Nalangngere'na Daud anjo passalaka, napasse'remi sikontu pasukang Israel, nampa a'limbang ri Binanga Yordan siagang naatoro' barisanna sidallekang siagang tu Siria. Na'bundu'mo ke'nanga,