1 PATTOTTORANG 18:8 - KITTA' MATANGKASA'

⁸ Pantaranganna anjo angngalle tommi Daud jai sikali parunggu battu ri Tibhat siagang Kun, iamintu kota-kota nakoasaia Hadadezer riolo. (Ri bokoangallo napare'mi Salomo anjo parunggu-parunggua untu' guci-guci, benteng-benteng siagang pakkakasa' sambayanga lalang ri Balla'Na Batara.)

1 PATTOTTORANG 18:8 Referans Kwoze

2 SAMUEL 8:8

Pantaranganna anjo jai sikali todong tambaga naalle Daud battu ri Betah siagang Berotai, iamintu kota-kota nakoasaia Hadadezer riolo.

1 PATTOTTORANG 22:14

Na passala'na anjo Balla'Na Batara, le'ba'ma' usaha tojeng-tojeng appasse're 3.400 tong battala'na bulaeng siagang la'bi 34.000 tong battala'na pera'. Napantaranganna anjo nia' todong parunggu siagang bassi, ia takkullea nibilang lanri jaina. Kayu siagang batu kupasadiami, mingka musti nutambai pole.

1 PATTOTTORANG 18:7

Sikamma pa'lapa' bulaeng napakea tantarana Hadadezer narampasa'mi Daud nampa naerang mange ri Yerusalem.

1 PATTOTTORANG 18:9

Karaeng Tou battu ri Hamat nalangngere'mi angkanaya nabetami Daud sikontu tantarana Hadadezer.

2 PATTOTTORANG 4:11

Huram, iamintu kapalana sikontu pajama paukirika, appareki pamaja'-pamaja', sikopang-sikopang, siagang mangko'-mangko'. Jari napa'le'ba' kabusu'mi napare' sikontu pakkakasa'na Balla'Na Batara situru' janjinna mae ri karaeng Salomo. Iaminne sikamma pakkakasa' le'baka napare': Rua benteng lompo Rua ulu benteng sangkammaya mangko' nibolika irateanna anjo ruaya benteng lompo Anyang-anyang rante massing ri ulunna anjo bentenga 400 rappo delima tambaga nisusunga rua a'jijiri' ri tammulilina anyang-anyang rantea ri tunggala' ulu bentenga 10 kareta 10 katoang lompo Gumbang tambaga 12 sapi tambaga napa'dongkoki anjo gumbanga Pamaja'-pamaja', sikopang-sikopang siagang garpu-garpu. Sikontu anjo pakkakasaka napareka Huram untu' Balla'Na Batara sangnging tambaga nipare' nampa nikeso' sa'genna accilla'. Kabusu'na anjo napareki Huram situru' apa naparentakanga Karaeng Salomo.

2 PATTOTTORANG 3:15

Appareki karaenga rua benteng, massing-massing 15,5 metere' tinggina, nampa napataba ri dallekanna Balla'Na Batara. Tunggala' anjo bentenga massing ammakei ulu benteng 2,2 metere' tinggina.