1 PATTOTTORANG 18:6 - KITTA' MATANGKASA'

⁶ Nampa ambangung kema-kema tantara lalang ri daerana ke'nanga siagang tundu'mi ke'nanga na'bayara' passare mae ri ia. Batara assarei pammetang ri kere-keremae a'bundu' Daud.

1 PATTOTTORANG 18:6 Referans Kwoze

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

PAMMUJI 121:8

Ia anjagaiko ri wattu battunu siagang a'lampanu, anne kamma siagang satunggu-tungguna.

1 PATTOTTORANG 18:2

Nabeta tommi Daud tu Moab, sa'genna tundu'mo ke'nanga siagang a'bayara'mi passare mae ri ia.

1 PATTOTTORANG 17:8

Le'ba' mako Kutulung manna kemae lampanu, siagang sikontu musunnu Kutumpasa' ngasemmi ri wattunnu a'bundu'. LaKupa'jari masahoroki arennu sangkamma pamimping-pamimping kaminang lompoa ri lino.

1 PATTOTTORANG 18:5

Akkirimmi tu Siria battu ri Damsyik tantara untu' ambantui Karaeng Hadadezer, mingka nabeta tongi Daud ke'nanga siagang nia' 22.000 jaina tau nabuno.

1 PATTOTTORANG 18:7

Sikamma pa'lapa' bulaeng napakea tantarana Hadadezer narampasa'mi Daud nampa naerang mange ri Yerusalem.

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.