1 PATTOTTORANG 18:5 - KITTA' MATANGKASA'

⁵ Akkirimmi tu Siria battu ri Damsyik tantara untu' ambantui Karaeng Hadadezer, mingka nabeta tongi Daud ke'nanga siagang nia' 22.000 jaina tau nabuno.

1 PATTOTTORANG 18:5 Referans Kwoze

1 PATTOTTORANG 19:6

Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

1 PATTOTTORANG 18:3

Nampa nabeta Daud Karaeng Hadadezer, iamintu karaeng ri Zoba ri ampi'na daera Hamat di pa'rasangang Siria. Anjo wattua sitabangi lalang pa'jappang Hadadezer untu' mange angkoasai daera niaka ri ampi'na ulunna Binanga Efrat.

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.

1 PATTOTTORANG 18:4

Narampasa'mi Daud 1.000 jaina kareta pa'bundukang, siagang najakkala' 7.000 tantara a'jarang, kammayatompa 20.000 tantara a'jappa bangkenga. Napesoki ngasemmi sikamma jaranga, pantaranganna niaka 100 siganna'na untu' kareta pa'bundukang.

1 PATTOTTORANG 18:6

Nampa ambangung kema-kema tantara lalang ri daerana ke'nanga siagang tundu'mi ke'nanga na'bayara' passare mae ri ia. Batara assarei pammetang ri kere-keremae a'bundu' Daud.

PAMMUJI 60:2

ri wattunna nabunduki tu Aram Mesopotamia siagang tu Aram-Zoba, siagang ri wattunna ammotere' Yoab nanabeta 12.000 tu Edom ri Ka'bung Asin.