1 PATTOTTORANG 16:10 - KITTA' MATANGKASA'

¹⁰ Iami Batara tenaya ruanna; ma'rannu-rannuki', nasaba' ikattemi taunNa; sikontu anynyombaya ri Ia ma'reja-rejako.

1 PATTOTTORANG 16:10 Referans Kwoze

PANGNGEBARANG 8:17

Kukamaseangi tau mangngaia mae ri nakke; inai amboya', lanabuntulukka'.

PAMMUJI 34:2

Erokka' appala' sukkuru' ri Batara lalang sikontu wattua, tena ammariku mammuji-muji mae ri Ia.

YEREMIA 29:13

LanuboyA' nampa lanubuntulukKa', lanri attojeng-tojenna pa'mai'nu amboyA'.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 16:9

Akkelongko pammuji mae ri Batara birittakangi sikamma bate pare' malompoNa.

1 PATTOTTORANG 16:11

Appala'mako kagassingang battu ri Ia, manynyombako ri Ia satunggu-tungguna.

1 PATTOTTORANG 22:19

Jari paralluko anynyomba mae ri Karaeng Allata'alanu lalang sikontu nyawanu siagang batangkalennu. Appakkaramula mako ambangung balla' untu' Batara, sollanna akkulle niboli' anjoreng Patti ParjanjianNa siagang sikontu pakkakasa' maraenganga ia eroka nipake anynyomba ri Ia.”

2 PATTOTTORANG 15:15

Sikontu ra'ya' Yehuda rannu kabusuki nyawana lanri le'ba'namo assumpa kamma anjo siagang attojeng-tojeng pa'mai'na. Sannangi nyawana ke'nanga anynyomba ri Batara, nampa Batara mangngellai todong antarimai ke'nanga. Napakaamangi siagang sannangi ke'nanga ri daerana.

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

PAMMUJI 34:3

Erokka' a'lompo-lompo pa'mai' lanri gau'Na Batara; poro Nalangngereki tu nijallakkanga na'jari rannu.