1 PATTOTTORANG 15:16 - KITTA' MATANGKASA'

¹⁶ Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 15:16 Referans Kwoze

1 PATTOTTORANG 13:8

na Daud siagang sikontu bansa Israel a'joge'-joge'mi siagang akkelong-kelommi siagang lompo sumanga', untu' ampakala'biriki Allata'ala, narurungang kacapi, rebana simbala', siagang tarompe'.

NEHEMIA 12:36

Ri bokona ke'nanga ajappami anggota-anggota golonganna, iamintu: Semaya, Azareel, Milalai, Gilalai, Maai, Netaneel, Yehuda siagang Hanani. Yangaseng ke'nanga angngerangi pakkakasa' musi', sangkamma nakarenaia Karaeng Daud, anjo atanNa Allata'ala. Imang Ezra, anjo panrita HukkunNa Allata'ala, a'jappa ri ulunna anjo barisanga.

1 PATTOTTORANG 23:5

nia' 4.000 nasare tugasa' a'jari pangawala', siagang 4.000 pole untu' ammuji Batara siagang pakkakasa' musi' niaka nipasadia.

1 PATTOTTORANG 16:42

Heman siagang Yedutun tugasa' tongi untu' tarompeka, simbala', siagang pakkakasa' musi' maraengannaya ia nipakea anrurungangi anjo kelong-kelong pammujia. Anggota-anggotana anjo bija-bijanna Yedutun nisarei tugasa' untu' anjagai sikamma pakke'bu' lompoa.

TITUS 1:5

Kuboli' mako ri Kreta pirangalloang sollanna akkulle nupa'le'ba' apa-apa parallua nujama. Kammayatompa sollanna akkulle nuangka' pamimping-pamimping jama'aka ri kota-kotaya. Siagang u'rangi anne pappasangku:

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 100:1

Pammuji untu' koro'bang sukkuru'. Akkio' rannuko mae ri Batara, he sikontu lino!

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

PAMMUJI 81:1

Untu' pamimping pakelong. Situru' lagu: Gitit. Battu ri Asaf.

NEHEMIA 12:46

Battu ri jammanna iji Karaeng Daud siagang panrita musi' niarenga Asaf, nanagaukammo sikamma pakelonga akkelong-kelong mammujia appala' sukkuru' mae ri Allata'ala.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

1 PATTOTTORANG 15:12

Nakanamo Daud ri ke'nanga, “Ikau ngaseng anne pamimping bija-bija niaka lalang ri suku Lewi. Lanri kammana, ikau ngaseng siagang tu Lewi maraengannaya parallui nutangkasi kalennu, sollanna akkulle nupalette' Patti ParjanjianNa Batara, Allata'alana Israel, mange ri tampa' le'baka kupasadia.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

2 PATTOTTORANG 7:6

Sikamma imanga ammentengi ri tampa' le'baka nipattantu untu' pammantanganna ke'nanga; assidallekangi ke'nanga siagang tu Lewi ammujia ri Batara siagang musi' le'baka napare' Daud, nampa akkelong iamintu kelongang, “Mannannungangi PangamaseanNa!” situru' napassuroanga Daud. Sikamma imanga appasa'rai tarompe' nampa sikontu ra'yaka ammenteng kabusuki.

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

PAMMUJI 150:5

Pujimi siagang kasida a'rincing-rincinga, pujimi siagang gong ammaccinga.

AMOS 6:5

Nungai appareka kelong, sangkamma nagaukanga Daud, siagang nungai angkelongangi anjo lagua nururungang kacapi.

1 PATTOTTORANG 6:16

Lewi nia' tallu ana'na bura'ne, iamintu: Gerson, Kehat, siagang Merari.

1 PATTOTTORANG 16:5

Asaf nipile a'jari pamimping lomoro' se're, nampa Zakharia wakkele'na. Yeiel, Semiramot, Yehiel, Matica, Eliab, Benaya, Obed-Edom siagang Yeiel nisare ngaseng tugasa' untu' akkarena kacapi. Asaf nisare tugasa' akkarena simbala',

2 PATTOTTORANG 20:19

Nampa sikamma tu Lewi battua ri pa'lokoang bijanna Kehat siagang Korah ammenteng kabusuki, akkio' rannu mammuji ri Batara, Allata'alana Israel.

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.