1 PATTOTTORANG 13:6 - KITTA' MATANGKASA'

⁶ A'lampami Daud siagang ke'nanga mange ri kota Baala, iamintu Kiryat-Yearim, ri daera suku Yehuda, untu' angngallei Patti ParjanjianNa Allata'ala. Anjo pattia niarengi “Batara makoasaya irateanna malaeka' akka'nyika”.

1 PATTOTTORANG 13:6 Referans Kwoze

YOSUA 15:9

nampa tulusu' mange ri timbuseng je'ne' Me-Neftoah, sa'genna mange ri kota-kota niaka ri ampi'na Moncong Efron. Battu anjoreng a'lekkoi anjo garisi' pa'baeng-baenga mange ri Baala (iamintu Kiryat-Yearim),

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

1 SAMUEL 4:4

Nampa nia'mo tau nasuro ke'nanga mange ri Silo untu' angngallei Patti ParjanjianNa Batara, a'jaria empoang kala'biranNa Batara Kaminang Koasaya. Ruaya ana'na Eli, iamintu Hofni siagang Pinehas, anrurungangi anjo Patti Parjanjianga.

YOSUA 15:60

Kammayatompa anne ruaya kota siagang desa-desa niaka ri tammulilina: Kota Kiryat-Baal (iamintu Kiryat-Yearim) siagang kota Raba.

YESAYA 37:16

“O, Batara Kaminang Makoasaya, Allata'alana Israel, niaka ri empoang kala'biranTa, tena ruanTa Allata'ala angkoasai sikontu kakaraenganga ri tompo'na buttaya. IKattemi ampa'jari langika na buttaya.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

PAMMILANGNGANG 6:27

Siagang Nakana Batara, “Punna nasa'bu' ke'nanga arengKu salaku barakka' mae ri bansa Israel, iNakke lambarakkaki ke'nanga.”

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

1 SAMUEL 6:21

Akkirimmi tau ke'nanga mange ri pandudu'na Kiryat-Yearim nanapasang angkana, “Le'ba'mi napoterang tu Filistin Patti ParjanjianNa Batara. Battu mako mae siagang erammi anjo pattia mae ri tampa'nu.”