1 PATTOTTORANG 12:2 - KITTA' MATANGKASA'

² Anjo ke'nanga tu battu ri suku Benyamin sangkammaya Saul. Cara'deki ke'nanga ammake sanjata pana siagang anynyambila – lima kananna siagang lima kairinna cara'de' ngaseng.

1 PATTOTTORANG 12:2 Referans Kwoze

HAKING-HAKING 3:15

Mingka ri wattunna akkio' umma' Israel appala' tulung ri Batara, nisaremi ke'nanga sitau niarenga Ehud, untu' allappassangi ke'nanga. Anjo Ehud tau kairi. Ana'nai Gera, battua ri suku Benyamin. Iami biasa angngantarangi Karaeng Eglon passare mustia nabayara' umma' Israel.

1 SAMUEL 17:49

Nakocci'mi kocikanna Daud, angngalle silisere' batu nampa napapatte' mange ri Goliat. Anjo batua nalappassangngimi antama' abanna Goliat, sa'genna reppe' ka'daro ulunna, nampa tattappasa' a'dalle' naung rupanna ri buttaya.

1 PATTOTTORANG 12:3

Ia pamimpinna ke'nanga iamintu Ahiezer siagang Yoas, ana'-ana'na Semaa battua ri Gibea. Iaminne areng-arenna anjo pejuanga: Yeziel siagang Pelet ana'-ana'na Azmawet Berakha siagang Yehu, tu Anatot Yismaya, tu Gibeon, pejuang masahoroka, a'jaria kalase'renna perwira lalang anjo nikanaya “Tallumpuloa Perwira”. Yeremia, Yehaziel, Yohanan, siagang Yozabad, tu Gedera Eluzai, Yerimot, Bealya, Semarya, siagang Sefaca, tu Harufi Elkana, Yisia, Azareel, Yoëzer, siagang Yasobam, battu ri bija-bijanna Korah Yoëla siagang Zebaja ana'-ana'na Yeroham, tu Gedor.

PAMMUJI 78:9

Suku Efraim assanjata panaya siagang anrong pana, naerang kalenna lari ri wattunna a'bundu.

1 PATTOTTORANG 8:40

Ana'-ana'na Ulam yangasenna a'jari tantara-tantara barani siagang cara'deka ammake sanjata pana. Cucunna bura'nea nia' 150 tau jaina. Yangaseng ke'nanga anggota suku Benyamin.