1 PATTOTTORANG 10:7 - KITTA' MATANGKASA'

⁷ Ri wattunna nalangngere' sikamma tu Israel niaka ammantang ri lappara'na Yizreel angkanaya larimi tantarana Israel, siagang angkanaya matemi Saul siagang ana'-ana'na, larimi ke'nanga nanabokoi kota-kota pammantanganna ke'nanga. Nampa naempoimo tu Filistin anjo kota-kotaya.

1 PATTOTTORANG 10:7 Referans Kwoze

1 SAMUEL 31:7

Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

PAOLE 28:43

Bansa maraeng niaka ammantang ri pa'rasangannu lapila' makoasai, nampa ikau pila' lakurangi koasanu.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

1 PATTOTTORANG 10:6

Jari matemi Saul siagang tallu ana' bura'nena. Kala'busammi pamarentana.

1 PATTOTTORANG 10:8

Ammukona ri wattunna battu tu Filistin ero' angngalleangi apa-apanna sikamma anjo tau matea, nabuntulu'mi maya'na Saul siagang tallua ana' bura'nena, ia matea ri monconna Gilboa.