1 KORINTUS 9:9 - KITTA' MATANGKASA'

⁹ Lalang ri Kitta' Musa nia' tattulisi' kammaya anne, “Teako jempangi bawana sapi masarroa nupake akkareso.” Maka sapia nataba anne kananNa Allata'ala?

1 KORINTUS 9:9 Referans Kwoze

PAOLE 25:4

Teako jempangi bawana sapi nupakea allessoro' gandung.”

1 TIMOTIUS 5:18

Nasaba' nia' tattulisi' lalang ri Kittaka angkanaya, “Punna nipakei sapia appa'jeko takkulleai nijempang bawana”; kamma tomminjo, “Tau anjama-jamaya musti nagappai sawala'na”.

PAMMUJI 104:27

Yangaseng ke'nanga iKatte narannuang, untu' anggappa kanre punna narapi' wattunna.

YUNUS 4:11

Maka tena nalasi'na nyawaKu ampikkiriki Niniwe, anjo kota lompoa. Nasaba' pantaranganna olo'-olo' tenaya nakkulle nibilang jaina anjo, anjoreng nia' todong tau la'bi ri 120.000 ana'-ana' tenayapa naissengi ampasimmaraengi apa bajika siagang apa ja'dalaka.”

PAOLE 5:14

mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.

PANGNGEBARANG 12:10

Tau bajika naparhatikangi olo'-olo' piarana; mingka tau ja'dalaka nasessai.

ROMA 4:23

Anjo kana angkanaya, “nitarimai a'jari tau nikarannuang ri atinNa Allata'ala,” teai untu' Abraham bawang nanitulisiki,

YESAYA 28:28

Ri wattunna nalessoro' anjo gandunga, tena napatunrung tulusu'na sa'genna ancuru'. Tena! Naassengi antekamma carana allessoroki siagang baji'; a'dongkoki rate ri karobaya natenaja naancuru' lisere'na anjo gandunga.