1 KORINTUS 9:7 - KITTA' MATANGKASA'

⁷ Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

1 KORINTUS 9:7 Referans Kwoze

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

PAOLE 20:6

Niakka ri kau beru a'lamung anggoro' ri kokonna nampa tenapa nasawe angngallei rapponna anggoro'na? Punna nia', akkullei ammotere'. Saba' punna matei lalang pa'bundukang, tau maraeng langkabajikangi anjo je'ne' anggoro'na.

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

KELONG MALA'BIRI' 8:12

nampa anggappa ruambilangngang untu' sawala' posona. Boli'mi anjo doeka untu' ikau, Salomo, siagang untu' sikamma pajaga kokonnu. Mingka koko anggorokku, kalengku pata, niaki ri dallekangku.

PANGNGEBARANG 27:27

Battu ri sikamma bembenu maraenganga akkulleko anggappa dadi' untu' kalennu siagang bone balla'nu kammayatompa palayang-palayannu.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

YESAYA 7:22

anjo dadi'na olo'-olo' piaraya la'bi ri gannaka untu' ri tau niaka tassesa ammantang ri anjo pa'rasanganga. Tojeng, langnginungi ke'nanga dadi' siagang bani.

PAOLE 18:8

Musti anggappai kanre sangkammaya jaina siagang imang-imang maraenga; apa nagappaya battu ri kaluargana, untu' ia todong.”