1 KORINTUS 9:11 - KITTA' MATANGKASA'

¹¹ Jari ikambe anne le'ba' maki' sanrapang appakioro' bine rohani ilalang ri katallassannu ngaseng. Na punna anggappa ikambe barakka' pa'barang-barangang battua ri kau ngaseng, maka nukana jai dudumi natuntu' ikambe battu ri kau ngaseng?

1 KORINTUS 9:11 Referans Kwoze

ROMA 15:27

Kammami anjo le'baka natappuki ke'nanga siagang te'ne pa'mai'. Nasaba' sikontutojenna siratang memang tongi ke'nanga antulungi sikamma sari'battang kasi-asi niaka ri Yerusalem; nasaba' battu anjoremmi ri bansa Yahudia anggappa bansa-bansa maraenga sikamma barakka'Na Allata'ala. Jari, siratang tongi anjo bansa-bansa maraenga antulungi bansa Yahudia siagang barakka' pa'barang-barangang.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

2 KORINTUS 11:15

Jari tena nappakalannasa' punna ammakeang kamma todong palayanNa Allata'ala anjo sikamma palayanna Billisika. Mingka kale'bakkanna lanagappa ngaseng tonji pa'balasa'na sikontu panggaukanna ke'nanga.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

2 KARAENG-KARAENG 5:13

Mingka nalangngere'mi palayang-palayanna akkana kamma. A'reppese'mi ke'nanga nampa angkana, “Bapa', ebara' angkana nisuroki' anggaukang apa sukkara', mattantuna lakigaukangi. La'biangampa kanasurojaki' bawang a'je'ne' sollanta a'jari baji!”

1 KORINTUS 9:14

Kammatommi anjo, le'ba'mi Napattantu Batara angkanaya inai-nai ambirittakangi anjo Kabara' Bajika, musti nisarei kaparalluang katallassanna lanri anjo biritta napa'la'banga.

FILIPI 4:17

Mingka tena nakukana tuli erokkuji bawang annarima passare. Ia kukaerokia, iamintu: sollanna akkulle kucini' sikamma wassele' akkullea antambai kaupakkannu.