1 KORINTUS 8:7 - KITTA' MATANGKASA'

⁷ Mingka manna nakamma, tena nayangaseng taua angngassengi anjo passalaka. Nia' biasai riolo anynyomba mae ri barhalaya. Jari lanri kammanami anjo nasa'genna kamma-kamma anne tuli nakanana ke'nanga angkanaya anjo kanre le'baka nipassareang mae ri barhalaya a'jarimi kanre barhala. Jari punna nakanrei ke'nanga anjo kanrea, nakana dorakai kalenna ke'nanga; nasaba' tenapa najarre' tappa'na ke'nanga.

1 KORINTUS 8:7 Referans Kwoze

ROMA 14:14

Lanri assileo'na katallassangku siagang Batara Isa, tappa' sikalima' angkanaya sikontutojenna tena apa-apa harang ri passala'na sikontu apa-apa nikanrea; mingka harangi anjo apa-apaya mae ri se'reang tau, punna niharangngangi ri anjo taua.

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

ROMA 15:14

Sikamma sari'battangku! Tappaka' angkanaya jai apa-apa baji' ri kau ngaseng. Jai todong apa-apa nuasseng, siagang akkulleko massing siajara'.

1 KORINTUS 8:1

Kamma-kamma anne ri passala'na kanre nipassareanga mae ri barhalaya. Memang annabai apa napaua taua angkana, “Ikatte cara'de' ngaseng maki'.” Mingka anjo kacara'dekanga akkulle napa'jari tampo taua; na anjo pangngamaseanga akkullei nabangung kalenna taua.

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

1 KORINTUS 10:25

Sikamma dageng niaka nibalukang ri pasaraka akkullei nukanre. Tea' mako paressai rolong, manna pole nania' bata-batana nyawanu.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.