1 KORINTUS 7:18 - KITTA' MATANGKASA'

¹⁸ Alarapanna, punna nia' tau le'ba' memammi nisunna' ri wattunna natarima pakkio'Na Allata'ala, teami nausahakangi ampattaenai anjo pammateina sunnaka. Kammayatompa, punna nia' tau tenapa nale'ba' nisunna' ri wattunna natarima pakkio'Na Allata'ala, teami nasuro sunnaki kalenna.

1 KORINTUS 7:18 Referans Kwoze

LAMPA-LAMPANA 15:5

Mingka nia'mo siapa are tu Farisi tappakamo, ammenteng angkana, “Musti nisunnaki anjo bansa-bansa maraenga, siagang musti naturuki apa-apa napassuroanga Allata'ala, le'baka napabattu Musa.”

LAMPA-LAMPANA 15:28

Nasitujuimi RohNa Allata'ala – siagang ikambe nisitujui tommi – sollanna tena nanisareko atorang-atorang battallanganga na anne parallua:

LAMPA-LAMPANA 15:24

Nia' kabara' nalangngere' ikambe angkanaya nia' siapa are tau battu ri kambe le'ba' mae ri kau ngaseng assareko pangngajarang sala, sa'gennu a'jari lussa' siagang lingu napakamma ke'nanga. Sikontutojenna teai ikambe assuroi anjo ke'nanga battu mae ri kau ngaseng anggaukangi anjo kammaya.

LAMPA-LAMPANA 15:19

Nakanamo pole Yakobus, “Jari turu' ri panggappaku, takkulleaki' ansusai bansa maraenga, punna ero' ampassareangi kalenna mae ri Allata'ala.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

LAMPA-LAMPANA 21:21

Na kamma-kamma anne nalangngere'mi ke'nanga angkanaya le'ba'mi nuajara' sikamma tu Yahudi niaka ammantang ri tangnga-tangngana bansa maraenga, sollanna nabokoimo ke'nanga anjo sikamma parentaNa Allata'ala napabattua Musa. Nupakainga'mi ke'nanga sollanna tenamo nanasunnaki ana'-ana'na ke'nanga, yareka tenamo nanaturuki ke'nanga ada'-ada'na tu Yahudia.