1 KORINTUS 7:1 - KITTA' MATANGKASA'

¹ Kamma-kamma anne erokka' a'bicara ri passala' apa nupaua lalang ri sura'nu ngaseng. Punna nia' bura'ne tena na'bunting, anjo bajiki.

1 KORINTUS 7:1 Referans Kwoze

1 KORINTUS 7:8

Iaminne pappakaingakku mae ri tau tenayapa na'bunting siagang tau jandayamo: Bajikangangi punna akkale-kale tuli mako sangkamma inakke.

PA'JARIANG 20:6

Appialimi Allata'ala lalang anjo so'naya angkana, “Memang Kuassengi angkanaya matangkasaki ati mailalannu anggaukangi anne. Iaminjo saba'na nataKukellayako a'gau' dosa mae ri Nakke, siagang taKupa'biangako anseroi anjo bainea.

PANGNGEBARANG 6:29

Anjo sangkammai bahayana siagang assikatinroanga siagang bainenna tau maraenga. Inai-nai anggaukangi takkulleai ta'lappasa' battu ri hukkunganga.

1 KORINTUS 7:2

Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.