1 KORINTUS 6:1 - KITTA' MATANGKASA'

¹ Angngapa nunia' barani a'lampa mae ri haking tenaya natappa' ri Allata'ala antuntuki parannu tau tappa' ri Allata'ala, punna assisala pahangko siagang ia? Angngapa natena numae ri umma'Na Allata'ala ampassilolongangi?

1 KORINTUS 6:1 Referans Kwoze

LAMPA-LAMPANA 19:38

Punna nia' tau lanatuntu' Demetrius siagang pajama-jamana, boli'mi kamma nanaerang anjo parkaraya mange ri pangadelanga. Tuli tassungkeji pangadelanga, siagang tuli nia' tonji pamarentaya punna nia' tau ero' nituntu'.

1 KORINTUS 14:33

Anjo Allata'ala Nangai apa-apa niatoro' bajika; taNangaiyai apa-apa tenaya nabaji' atoro'na. Kamma nigaukanga ri sikontu jama'aNa Allata'ala,

1 KORINTUS 16:1

Kamma-kamma anne passala'na doe' eroka nupassareang a'jari sumbangang mae ri paranta tu Karisteng; kukellaiko sollanna nugaukang situru' apa le'baka kupau mae ri jama'aka ri Galatia.

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

1 KORINTUS 5:12

Memang, teai urusangku angngadeli tau tenaya na Karisteng. KalenNa Allata'ala langngadeli ke'nanga. Mingka ri sesena anggota-anggota jama'aka, sai musti kalenna tonji jama'aka angngadeli ke'nanga? Nia' tattulisi' lalang ri Kittaka angkanaya, “Bongkai tau ja'dalaka battu ri alla'nu.”

1 KORINTUS 6:5

Punna kamma, teai sipato' appakasiri'-siri'na! Tantu nia'ja tu cara'de' ri tangnga-tangnganu ampakabajiki punna nia' para tu Karisteng assisala pahang!