1 KORINTUS 5:1 - KITTA' MATANGKASA'

¹ Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

1 KORINTUS 5:1 Referans Kwoze

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 2:21

Le'ba'mi Kusare kasampatang untu' toba' battu ri dosa-dosana, mingka taerokai ammari anggaukangi anjo gau' bawanga.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

KAIMANGNGANG 18:8

Teako hinai manggenu lanri assikatinroannu siagang kalase'renna bainenna maraenga.

GALATIA 5:19

Anjo ero'na sipa'-sipa' rupataua a'nyatai lalang ri panggaukang-panggaukang salimaraka, panggaukang ra'masaka, siagang panggaukang tenaya nasiratang;

1 TESALONIKA 4:7

Nakiokki' Allata'ala, teai sollanta a'gau' bawang lalang ri katallassanta, passangalinna sollanta attallasa' mappakasannang mae ri atinNa Allata'ala.

2 KORINTUS 12:21

Kukamallakkangi gassingka Napakatuna' Allata'alaku sallang ri dallekannu punna battua' angkunjungiko. Ranggasela tonga' gassingka jaiko sallang lampakarruka', lanri tenana nuero' ampinrai gau' dosanu allaloa, anggaukangi gau' bawanga, gau' ra'masaka, kammayatompa gau' tenaya nasiratang.

1 KORINTUS 6:18

Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

1 KORINTUS 6:13

Nia' todong angkana, anjo kanrea untu' battang, siagang anjo battanga nipasadiai untu' napantamai kanre. Mingka anjo ruaya, iamintu kanrea siagang battanga lanipattaena ngasengi ri Allata'ala. Anjo batangkalea takkulleai nipake untu' a'gau' bawang, mingka untu' poro nipake allayani mae ri Batara. Na Batarami lamparakai anjo batangkalea.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

1 KORINTUS 5:11

Mingka ia kupakkanaya iamintu, angkanaya teako asse'rei siagang tau nakanaya kalenna Karisteng, mingka a'gau' bawangi, yareka angngoai, yareka anynyombai barhala, yareka nangai napau kodi paranna tau, yareka painungi, yareka palukkaki. Manna ammempoa sipangnganreang siagang ke'nanga tea' laloko!

LAMPA-LAMPANA 15:29

teako angnganrei kanre le'baka nipassareang mae ri barhalaya; teako angnganrei cera', teako angnganrei olo'-olo' mate niaccekanga, siagang pakabellai kalennu ri gau'-gau' assalimaraka. Punna nupakabella ngasemmo kalennu ri apa-apa kammaya anjo, nugaukammi nikanaya kabajikang. Sikammamo anne, poro salama' ngasengko!”

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

YEREMIA 2:33

Cara'de' tojeng-tojengko appare' akkala' untu' angngallei nyawana sikamma tanrinnu. Manna pasundala' kaminang panraka akkulle tongiji appilajara' mae ri kau!

2 KORINTUS 7:12

Jari, punna kutulisi' anjo suraka, teai passabakkang anjo tau salaya, teai tongi lanri nakasia'namo ke'nanga passessaya passabakkang anjo kasalanga. Mingka nakutulisi' anjo suraka, sollanna nanuasseng ri dallekanNa Allata'ala, antekamma lompona panjampanginnu ngaseng mae ri kambe.

1 KORINTUS 1:11

Nasaba' nia' tau battu ri balla'na Kloë ampabattui ri nakke angkanaya nia' passigea'-geakkang ri kau ngaseng.

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

PAOLE 27:20

‘Nitunrai tau anghinayai manggena lanri assikatinroanna siagang kalase'renna bainenna manggena.’ ‘Aming!’

PAOLE 22:30

Tena manna sitau akkulle anghinai manggena lanri assikatinroanna siagang kalase'renna bainenna anjo manggena.”

YEHEZKIEL 22:10

Nia' todong angngodoki siagang angngagangi sikatinroang amma' aona, baine battua bulanna,

1 PATTOTTORANG 5:1

Ruben iami ana' kaminang toana Yakub. Mingka lanri le'ba'na nagau' sala kalase'renna baine maraenna manggena, sa'genna niallemi anjo ha'na salaku ana' kaminang toa nampa nipassareang mae ri Yusuf. Mingka manna nakamma, ia kaminang kassaka battua ri turunganna Yakub teai suku Yusuf, passangalinna suku Yehuda. Ba'lalo ia uru-uru a'jaria karaeng mae ri sikontu umma' Israel iamintu tubattua ri anjo suku Yehuda.

2 SAMUEL 20:3

Battuna Daud mange ri balla' kakaraenganna ri Yerusalem, anjo sampuloa baine piara nabolika anjagai balla' kakaraenganga, naerangi antama' ri balla' nijagai bajika ri pangawala'. Sikamma apa naparalluanga ke'nanga nipasadiai siganna'-ganna'na, mingka tale'bakami Daud assikatinroang siagang ke'nanga. Jari nijagaimi ke'nanga siagang sangkammami janda tallasa'na ke'nanga sa'genna mate.

2 SAMUEL 16:22

Jari, untu' Absalom nipapparekammi kema irate ri pattongko' lappara'na balla' kakaraenganga. Nampa nicini'mi ri sikontu taua antama' Absalom ri anjo kemaya nampa attinro siagang sikamma baine piarana manggena.

1 SAMUEL 2:24

Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.

KAIMANGNGANG 20:11

Punna nia' tu bura'ne assikatinroang siagang kalase'renna bainenna manggena, naparkosai ha'na manggena. Anjo bura'nea siagang anjo bainea musti nihukkung matei. Matei ke'nanga lanri salana tonji ke'nanga.

PA'JARIANG 49:4

Lu'mukko ta'goccang sanrapang je'ne', sa'genna teai mako makase're; saba' attinroko siagang baine piaraku, nura'massi katinroanna manggenu.

PA'JARIANG 37:2

Na iaminne riwaya' kaluargana Yakub: Ri wattunna sampulo antuju taung umuru'na Yusuf, iamintu ana'na Yakub, sitabanna naparakai bembena siagang gimbala'na siagang ngaseng sari'battanna, iamintu ana'-ana'na Bilha siagang Zilpa, ruaya baine piarana manggena. Napabattui sikamma gau' ja'dala'na daenna mae ri manggena.

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

2 KORINTUS 2:5

Punna nia' tau a'jari passabakkang ri anne si'naya, teai kalengku bawang napitujui, mingka ikau ngaseng, yareka kaminang sike'de'na attawa ruako napitujui. Anne kulammai sike'de' bicarangku mae ri anjo taua.