1 KORINTUS 4:16 - KITTA' MATANGKASA'

¹⁶ Lanri kammanami anjo nasanna' kupala'na ri kau ngaseng, sollannu angngalle conto mae ri nakke.

1 KORINTUS 4:16 Referans Kwoze

2 TESALONIKA 3:9

teai lanri tenana nakkulle ikambe appala' tulung mae ri kau ngaseng, passangalinna sollanna akkulle ikambe a'jari conto mae ri kau ngaseng.

FILIPI 3:17

Sikamma sari'battangku! Turukimi conto niaka ri kalengku. Le'ba' mako nasare ikambe conto annabaya; lanri kammana, parhatikangi baji'-baji' katallassanna sikamma tau anturukiai anjo conto napassareanga ikambe.

1 KORINTUS 11:1

Iaminjo conto battu ri nakke mae ri kau. Mingka inakke conto battu tonji ri Almasi kupinawang.

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.