1 KORINTUS 4:15 - KITTA' MATANGKASA'

¹⁵ Nasaba' inakkemi a'jari manggenu ngaseng, manna pole ebara' angkana nia'mo sampulo sa'bu gurunnu. Lalang attallasa'numo a'jari se're siagang Almasi inakkeji bawang a'jari manggenu, nasaba' inakke ampabattui anjo Kabara' Baji' battua ri Isa Almasi mae ri kau.

1 KORINTUS 4:15 Referans Kwoze

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

1 KORINTUS 3:10

Sanrapanga' tu nisare kacara'dekang a'jari panrita balla' ri Allata'ala. Iami anjo kacara'dekanga kupake le'ba' ampadongkoki batu pondasina anjo bangunanga, nampa tau maraeng ampatulusuki ambangung irateanna anjo pondasia. Sikontu taua musti naparhatikangi baji'-baji' antekamma batena musti ambangung irateanna anjo pondasia.

1 KORINTUS 9:23

Iaji nakugaukang ngaseng sikammaya anjo, sollanna akkulle kupa'la'bang Kabara' Baji' battua ri Allata'ala, kammayatompa sollanna kunibarakkaki todong.

1 KORINTUS 9:14

Kammatommi anjo, le'ba'mi Napattantu Batara angkanaya inai-nai ambirittakangi anjo Kabara' Bajika, musti nisarei kaparalluang katallassanna lanri anjo biritta napa'la'banga.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

FILEMON 1:19

Jari baji'mi nakutulisi' kalengku anrinni angkanaya: Inakkepa Paulus ambayara' ngasengi sallang. (Tantu tena naparallu kupappiu'rangiang angkanaya kalennu pole kainrangang tongko mae ri nakke, iamintu lanri katallassang berunu salaku tu Karisteng.)

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

1 KORINTUS 9:18

Jari punna kamma apa passawallangku? Iaminne passawallangku: angkanaya akkullei kubirittakang anjo Kabara' Bajika, natena manna sitau kubattali untu' angngongkosia', lanri tenana nakutuntuki anjo ha' siratanga ri nakke salaku tau ambirittakangai anjo Kabara' Bajika.

1 KORINTUS 9:12

Punna nia' ha'na tau maraenga amminasai anne battu ri kau ngaseng, maka tena nala'bi niakkangang ha'na ikambe na ke'nanga? Mingka inakke tenapa nakupakei anjo ha' kammaya. Nasaba' la'bi kungaiangangi kalengku antanggong ngasengi anjo sikammaya naia appa'niaka kasukkarang, akkullea anghalangi pa'la'banganna Kabara' Bajika ri passala'na Almasi.

1 KORINTUS 3:6

Inakke sanrapanja' tau a'lamunga, na Apolos sanrapang ansirangi je'ne', mingka KalenNa Allata'ala ampattimboi anjo lamung-lamunga.

ROMA 15:20

Ia pa'minasangku iamintu poro akkullea' ambirittakangi Kabara' Baji' battua ri Allata'ala ri tampa'-tampa' tenayapa nale'ba' nalangngere' taua passala'na Isa Almasi. Nasaba' tena nakuero' sanrapang tau ambangung irate ri pondasi le'bakamo napadongko' tau maraenga.

PAMMILANGNGANG 11:12

Inakkeka antianangngangi yareka allassukangi anjo ke'nanga? Angngapa Kisuroa' a'jari sangkamma patarinti akkalawinga ana' ca'di, sa'genna musti tulusu' kuparakainna ke'nanga lalang pa'jappang mange ri butta Kipa'janjianga mae ri boe-boena ke'nanga?

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

1 KORINTUS 15:1

Na kamma-kamma anne, sari'battangku ngaseng, kukellai nanuu'rangi poleang Kabara' Baji' battua ri Allata'ala, le'baka kupabattuangko riolo. Nutarimami anjo Kabara' Bajika, siagang tappa' mako mae ri Almasi lanri anjo Kabara' Bajika.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

GALATIA 3:24

Jari anjo hukkung agamaya a'jari sanrapangi pajaga mae ri kalenta, sa'genna battu Almasi ampassibajikiki' ammotere' siagang Allata'ala, lanri tappatta mae ri Almasi.

GALATIA 3:25

Kamma-kamma anne, lanri narapi'mi wattunna akkulle tappa' rupataua mae ri Isa Almasi, tenamo nanajagaiki' hukkung agamaya.