1 KORINTUS 4:10 - KITTA' MATANGKASA'

¹⁰ A'jari tau dongo' maki' lanri Almasi, nanua'jari cara'de'mo tu Karistenga! Ikambe a'jari lamma maki', na ikau a'jari gassing mako! Ikambe nicalla maki' na ikau nipuji-puji mako!

1 KORINTUS 4:10 Referans Kwoze

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

LAMPA-LAMPANA 17:18

Assigea'mi Paulus siagang guru-guru battua ri golongang Epikuros siagang golongang battua ri Stoa. Nia' siapa are maraeng ri ke'nanga angkana, “Apa todong naasseng anne taua? Sike'de' duduji pangngissenganna mingka teai sipato' jaina bicaranna!” Nia' todong siapa are tau angkana, “Kamma nicini' rewata-rewata bansa maraeng nakabarrang.” Akkana kammai anjo ke'nanga, lanri passala'Na Isa siagang passala' attallasa'Na ammotere' Isa battu ri kamateanga nabicara Paulus mae ri ke'nanga.

1 PETRUS 4:14

Upakko punna nihinako lanri tappa'nu mae ri Almasi. Punna kamma anjo, battuanna nia'mi ri kau Roh Mala'birika, iamintu RohNa Allata'ala.

2 KORINTUS 13:9

Rannu maki', punna ikambe lamma na ikau majarre'. Appala' doangki', sollannu a'jari sukku' baji' ri tallasa'nu.

1 KORINTUS 3:18

Tea' laloko niakki antipui kalennu. Punna nia' tau ri tangnga-tangnganu nakana kalenna nia' pangngassenganna situru' pangngukkuru'na anne linoa, anjo taua musti a'jari dongoki, sollanna akkulle a'jari tau niaka tojeng pangngassenganna.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

2 KORINTUS 11:29

Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

2 KORINTUS 11:19

Akkulleko sa'bara' mae ri tau dongoka, lanri nukanana kalennu tau cara'de'!

2 KORINTUS 10:10

Lanakana kapang taua, “Sanna' terasa'na siagang sanna' baji'na sura'-sura'na Paulus. Mingka punna kalenna nia' ri tangnga-tangngata, lamma sikaliji siagang tena nasiapa pau-pauna!”

1 KORINTUS 10:12

Inai-nai nakana kalenna kassa' ri pammentenganna, parallui tutu, sollanna tena natu'guru'.

1 KORINTUS 4:8

Memang tenamo apa-apa nuparalluang pole! Nasaba' akkalumanynyang mako! A'jari karaeng mako! Na ikambe tena. Teai sipato' baji'na ka'de' a'jari karaeng tojeng-tojeng mako, sollanta akkullemo siagang ammarenta.

1 KORINTUS 3:2

Riolo sanrapangi kanre ana' lolo kusareangko, jari teai kanre tau toa; nasaba' tanukulleapi angnganre kanre terasa'. Mingka ri kamma-kammaya anne sanrapang tena tompa nanuakkulle angkanrei anjo kanre terasaka,

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

LAMPA-LAMPANA 17:32

Ri wattunna nalangngere' ke'nanga anjo passala' attallasaka ammotere' battu ri kamateanga, nia'mo ri ke'nanga angkakkali Paulus. Nia' todong angkana, “Ero' ijaki' allangngerekko ambicarai pole anne passalaka!”

LAMPA-LAMPANA 9:16

Siagang KalengKu ero' ampicinikiangi sikamma kapa'risang musti lanakasiaka passabakkang iNakke.”

LUKAS 18:9

Nacarita tommi Isa anne pangngebarang tattujua mange ri tau ancini' tunayai paranna tau, na nakana kalennaji bawang baji'.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 6:22

Mate'ne ngasengko punna nikabirisiko, punna nisorongbokoko, punna nihinako, siagang nipitinako passabakkang Ana' Ma'rupataua!

MATIUS 24:9

Siagang lanijakkalakko nunipassareang nisessa nampa nibuno. Lanikabirisiko ri sikontu bonena linoa, lanri amminawangko ri Nakke.

MATIUS 5:11

Kate'neangi punna nicallako, yareka nisessako siagang nipassalako passabakkang iNakke.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PANGNGEBARANG 11:12

Anghinai tau maraenga, iami panggaukang dongo'; tau bajika akkala'na tena nalakkana-kana.

2 KARAENG-KARAENG 9:11

Ammotere'mi Yehu mange ri agang-aganna. Nampa akkuta'nammo ke'nanga ri ia angkana, “Kabara' apa kutadeng? Apa ero'na anjo tau pongoroka mae ri kalennu?” Appialimi Yehu angkana, “Assara-sarai ngasengko antu, nasaba' nuasseng ngasemmi.”

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

1 KORINTUS 1:25

Nasaba' ia dongoka nicini' ri Allata'ala, iami la'bi poreangngang nakaporeanna rupataua. Na ia lammaya nicini' ri Allata'ala iami gassingangngang nakagassinganna rupataua.

2 KORINTUS 6:8

Nipakala'birikki' mingka nihina tongki'; nipujiki' mingka nipa'boyang tongki' kodi. Manna kilambusu' pa'mai', nipakkanai tonjaki' paballe-balle.

2 KORINTUS 4:12

Iami anne a'jari pammatei angkanaya niaki a'gio' kamateanga lalang ri tubuna ikambe; mingka rannui pa'mai'na ikambe lanri nia'na katallassanga a'gio' lalang ri massing tubunu.