1 KORINTUS 4:1 - KITTA' MATANGKASA'

¹ Alle rapammi angkanaya ikambe anne palayang-palayanNaki' Almasi; ikambemi nisare tugasa' ambirittakangi sikamma rancanaNa Allata'ala, tenayapa naassengi anne linoa.

1 KORINTUS 4:1 Referans Kwoze

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.

TITUS 1:7

Nasaba' anjo pamimping jama'aka, iami angngurusuki jama-jamanga untu' Allata'ala; jari takkulleai nia' callanna. Takkulleai tampo yareka pa'larroang, yareka painung sa'genna nangai nasa'ring, yareka nangai assiba'jia, yareka mangngoai ri doe'.

1 TIMOTIUS 3:9

Musti anna'gala' jarreki mae ri pangngajarang katappakkang Karistenga, ia le'bakamo Napa'nyata Allata'ala. Musti nagaukangi ke'nanga anjo jama-jamanga siagang situlusu' ati mailalanna.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

KOLOSE 2:2

Nakugaukang ngaseng anne sikammaya, lanri kukellaina a'jari jarre' pa'mai'na ke'nanga siagang namassing sikamaseang, sollanna pila' majarre' ke'nanga a'jari se're. Jari pila' napahang tojemmi ke'nanga na'jari tappa' sa'genna naasseng rahasia battua ri Allata'ala, iamintu KalenNa Isa Almasi.

ROMA 16:25

Nipujimi Allata'ala! Makoasai anjarreki tappa'nu, situru' Kabara' Baji' battua ri Allata'ala, iamintu ri passala'na Isa Almasi, le'baka kubirittakang. Kubirittakangi anjo passalaka situru' apa Napa'nyataya Allata'ala; iamintu ri sesena rancanaNa Allata'ala, a'bilangngang taungamo tanaassenga taua.

KOLOSE 4:3

Appala' doang tongko untu' ikambe, sollanta Nasare Allata'ala kasampatang baji', untu' ampa'la'bangi biritta rahasiaNa Almasi. Nasaba' passabakkang iaminjo nakunia'mo kamma-kamma anne ri tarungkua.

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

2 KORINTUS 12:6

Alarapanna nia' todong apa-apa ero' lakukalompoang pa'mai', tena nakuero' a'jari tu lompo bicara, tenaya bonena; mingka apa-apa kontutojengaji bawang lakupau. Mingka kujagai kalengku, lanri tenana kuero' punna nia' tau la'bi dudu batena ambakuki apa-apa le'baka nacini' kugaukang, yareka apa-apa le'baka nalangngere' kupau.

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

MATIUS 24:45

Nakanamo pole Isa, “Punna kamma, maka kereanga palayang tuli bajika siagang cara'deka? Iami niangka' ri karaenna a'jari kapala mae ri palayang-palayang maraenga, sollanna nasare ke'nanga kanre punna narapi' wattunna.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

1 TIMOTIUS 3:6

Se'rea pamimping jama'ah takkulleai tau beru antamaya Karisteng, nasaba' gassingka a'jari tampoi nanggappa pangngalarroi sangkamma Billisika riolo.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

1 KORINTUS 4:13

punna nabicara kodiki' taua, nibalasa'mi siagang kana-kana baji'. Sanrapang bajikangang mami loro-lorona anne linoa na ikambe; sa'genna kamma-kamma anne nipasanrapang mamaki' ra'masa'na anne linoa.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

1 KORINTUS 2:7

Anjo pangngassengang kupabattua iamintu pangngassengang battu ri Allata'ala. Anjo pangngassenganga tanaassengai anne linoa, mingka iami anjo le'baka Napasadia Allata'ala ri wattu tenanapa nipa'jari anne linoa, untu' katallassang mate'neta ngaseng.

MARKUS 4:11

Nakanamo Isa ri ke'nanga, “Le'ba' mako nisare pangngassengang sollanna nuasseng rahasiana angkanaya antekamma batena ammarenta Allata'ala. Mingka tau maraenga ammakepi pangngebarang punna niajara' ke'nanga,

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.