1 KORINTUS 3:17 - KITTA' MATANGKASA'

¹⁷ Punna nia' tau ampanraki balla'Na Allata'ala, anjo taua lanipanraki tommi ri Allata'ala. Nasaba' anjo balla'Na Allata'ala matangkasaki, naia nikanaya balla'Na Allata'ala iamintu ikau.

1 KORINTUS 3:17 Referans Kwoze

YEHEZKIEL 43:12

Iaminne sipa' kalenna Balla'Na Batara: Sikontu tampaka ri tammulilina ri coppo'na buluka sanna' matangkasa'na.”

YEHEZKIEL 7:22

Tena apa-apa laKugaukang punna napanraki siagang narantassi BallakKu ri sikamma paellaka.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

PAMMILANGNGANG 19:20

Tau a'jari ra'masaka siagang tena nagaukangi upacara pannangkasia ri kalenna, tuli ra'masa'na lanri tenapa nanitiriki siagang je'ne' upacara. Nara'massi KemaNa Batara, siagang tenamo nanibilangi anggota umma'Na Allata'ala.

PAMMUJI 79:1

Pammujina Asaf. O, Allata'ala, bansa tenaya naassengKi' naempoimi butta pisakaTa. Nara'massimi BallatTa, napa'jarimi Yerusalem rumbangngang balla'.

KAIMANGNGANG 20:3

Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

KAIMANGNGANG 15:31

Nasuroi Batara anjo Musa ampakaingaki bansa Israel sollanna naparhatikang ke'nanga angkana ringngapanna nara'masa' ke'nanga siagang ringngapanna natena nara'masa', sollanna tena nara'massi ke'nanga KemaNa Batara, ia niaka ri tangnga-tanganga kemana ke'nanga. Punna nara'massi ke'nanga anjo Kemaya, tena tamatena ke'nanga.

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

PA'JARIANG 28:17

A'jari malla'mi siagang nakanamo, “Teai sipato' karrasa'na anne tampaka! Ma'nassa Balla'Na Allata'ala anne, pakke'bu' lompona suruga.”

PAMMUJI 99:9

Pakala'biriki Karaeng Allata'alata, sombai ri bulu' matangkasa'Na, saba' matangkasaki Karaeng Allata'alata.

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

1 PATTOTTORANG 29:3

Ba'lalo lanri mangngaiku mae ri anjo Balla'Na Allata'alaku, kupassareang tommi perakku siagang bulaengku, iamintu barang-barang kalengku:

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

PAMMUJI 74:3

Kijappai sai tampa' le'bakamo a'jari runtungang; sikontu apa-apa niaka ri BallatTa le'ba'mi naancuru' musua.

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

1 KORINTUS 3:18

Tea' laloko niakki antipui kalennu. Punna nia' tau ri tangnga-tangnganu nakana kalenna nia' pangngassenganna situru' pangngukkuru'na anne linoa, anjo taua musti a'jari dongoki, sollanna akkulle a'jari tau niaka tojeng pangngassenganna.