1 KORINTUS 16:19 - KITTA' MATANGKASA'

¹⁹ Sallanna sikamma jama'aka ri butta Asia mae ri kau ngaseng. Kammayatompa Akwila siagang Priskila, kammayatompa pole sikontu jamaah niaka a'rappungang ri balla'na ke'nanga, appikatu ngasengi sallang Karisteng mae ri kau ngaseng.

1 KORINTUS 16:19 Referans Kwoze

LAMPA-LAMPANA 18:2

Anjoreng ri Korintus assigappami siagang se're tu Yahudi, niarenga Akwila, battua ri pa'rasangang Pontus. Anne Akwila beru-beru battui ri Italia siagang bainenna niarenga Priskila. Battumi ke'nanga mange ri Korintus lanri nisuro ngasemmi ri Karaeng Klaudius assulu' tu Yahudia battu ri Roma. A'lampami Paulus angkunjungi anjo tau ruaya.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

1 PETRUS 1:1

Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.

FILEMON 1:2

siagang anggota jama'ah niaka a'rappungang ri balla'nu; kammayatompa untu' sari'battang baineta Apfia na sipa'julu jama-jamanta iamintu Arkhipus.

2 TIMOTIUS 4:19

Sallangku mae ri Priskila siagang Akwila kammayatompa Onesiforus siagang sikamma tubone balla'na.

KOLOSE 4:15

Pabattu tongi sallanna ikambe mae ri sikamma sari'battanta tu Karistenga ri Laodikia; kammayatompa mae ri sari'battanta Nimfa siagang sikamma jama'ah a'rappunganga assambayang ri balla'na.

ROMA 16:15

Sallangku mae ri Filologus siagang Yulia; kammayatompa mae ri Nereus siagang sari'battang bainena; mae ri Olimpas siagang sikamma tau tappa' niaka assiagang ke'nanga.

LAMPA-LAMPANA 19:10

Iaminjo tuli nagaukang ruan taung sallona, sa'genna sikontu tau niaka ammantang ri daera Asia, baji' na tu Yahudi yareka bansa-bansa maraenga, nalangngere' ngasemmi ke'nanga kana-kananNa Batara.

LAMPA-LAMPANA 18:26

Appakkaramulami a'bicara siagang barani Apolos lalang ri balla' sambayanga. Na ri wattunna nalangngere' Priskila siagang Akwila anjo apa napangngajarranga Apolos, nakio'mi ke'nanga Apolos mange ri balla'na ke'nanga. Anjoreng ri ballaka napauang la'bi baji'mi ke'nanga Apolos ri passala' antekamma ero'Na Allata'ala ampasalamaki rupataua lalang ri KalenNa Isa.

LAMPA-LAMPANA 18:18

Le'baki anjo sallo iji ammantang Paulus ri Korintus. Mingka ri se'reang allo appala' kanami Paulus ri sikamma tau tappaka anjoreng, nampa a'lampa assombala' siagang Priskila na Akwila mange ri Siria. Battui ke'nanga mange ri Kengkrea, nasuro cukkuru'mi uu'na Paulus, le'baka a'jari la'bu siapa are sallona lanri tinja'na mae ri Batara.

LAMPA-LAMPANA 2:9

Ikatte tu battua ri pa'rasangang Partia, Media, Elam; Mesopotamia, Yudea, Kapadokia, Pontus, Asia,

LAMPA-LAMPANA 16:6

Tena nikellai Paulus siagang Silas ri RohNa Allata'ala ampa'la'bangi kana-kananNa Allata'ala ri daera Asia. Jari napatulusu'mi lampana ke'nanga mange ri daera Frigia siagang Galatia.