1 KORINTUS 16:18 - KITTA' MATANGKASA'

¹⁸ Sanna' sikali napakarannuna ke'nanga atingku, sangkamma napakarannuna atinnu ngaseng. Musti nupakala'biri' tojeng-tojengi anjo tau kammaya ngaseng.

1 KORINTUS 16:18 Referans Kwoze

FILEMON 1:7

Pangngarimangnginnu mae ri sikontu umma'Na Allata'ala, sari'battang, napakarannui pa'maikku siagang napakalompoi sumangakku! Tassaleori ngasemmi sikontu Umma'Na Allata'ala lanri ikau.

2 KORINTUS 7:13

Iaminjo saba'na nanisaleorimo atinna ikambe. Pantaranganna panynyaleoria, ba'lalo sanna'mo rannuta anciniki karannuanna Titus; ikau ngasemmi le'ba' ansaleori atinna.

1 TESALONIKA 5:12

Sikamma sari'battangku; kipala' tojeng-tojengi mae ri kau ngaseng, sollanna nupakala'biri' tau niaka anjama-jama ri tangnga-tangnganu; iamintu sikamma tau le'baka Napile Batara untu' ampimpingko siagang ampakaingakko.

KOLOSE 4:8

Kusuromi battu mae ri kau sollanna akkulle nuasseng katallassanna ikambe, nanukkullemo kasaleorang.

ROMA 15:32

Sa'genna, punna Nakaerokang Allata'ala, akkullea' battu mae ri kau ngaseng siagang baji'. Nakuakkulle anggappa panynyaleori ri tangnga-tangnganu ngaseng.

PANGNGEBARANG 25:25

Annarimaya kabara' baji' battu ri pa'rasangang bella sanrapangi angnginung je'ne' dinging ri wattu turere.

PANGNGEBARANG 25:13

Tunisuro tamamminraya, napakasannangi nyawana tumassurona, sanrapang je'ne' dinging nakasiaka pakattoa ri kokoa.

3 YOHANES 1:4

Tena akkulle la'bi ampakarannuangangi pa'maikku, naanjo kulangngere'na angkanaya attallasaki ana'-anakku situru' ajaranNa Allata'ala.

FILEMON 1:20

Lanri kammana sari'battang, tulunga' lanri Batara; pakarannui pa'maikku sangkamma sari'battannu lanri Batara.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.