1 KORINTUS 15:8 - KITTA' MATANGKASA'

⁸ Kala'busanna Napappicinikang tommi KalenNa mae ri inakke – inakke sanrapanga' ana' lolo tenayapa narapiki bulanna nanilassukang!

1 KORINTUS 15:8 Referans Kwoze

1 KORINTUS 9:1

Sai inakke tau bebasakka'? Sai inakke tunisuroNa' Allata'ala? Maka tenapa nakuciniki Isa, Batarata? Maka teaiko wassele' jama-jamangku untu' Batara?

LAMPA-LAMPANA 26:16

Ambangungko siagang ammentengko nai'! Kupappicinikangi KalengKu lanri erokko Kupicinikiang angkana apa saba'na naKuangkakko a'jari palayangKu. Musti nupa'la'bangi mae ri tau maraenga apa nucinika anne alloa. Iamintu passala'na KalengKu, siagang passala'na apa laKupicinikiangko sallang ri allo labattua.

LAMPA-LAMPANA 22:18

Kucini'mi Batara; Nakana mae ri nakke, ‘A'lampako linta' ambokoi Yerusalem. Nasaba' taerokai taua anrinni antarimai kasa'biannu mae ri Nakke.’

LAMPA-LAMPANA 18:9

Ri se'reang bangngi nabattuimi pappiso'na Paulus. Lalang pappiso'nana Nakana Batara ri Paulus, “Teako mallakki Paulus! A'bicarako turus, teako ammakkangi.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”

LAMPA-LAMPANA 22:14

Nampa nakanamo pole Ananias mae ri nakke, ‘Napile mako Allata'alana boe-boeta, sollanna nuasseng ero'Na. Kammayatompa sollanna nucini' Isa, AtanNa Allata'ala anggaukangai ero'Na Allata'ala, kammayatompa nulangngere' kalennu sa'ranNa Isa.

LAMPA-LAMPANA 22:6

“Ri wattu lalang a'lampaku siagang la'birimmo battu mange ri Damsyik, kira-kira ri wattu attangngana alloa, ti'ring nia'mo caya tassioro' battu ri langika angkulilingia'.

LAMPA-LAMPANA 26:12

“Iatommi anjo pattujungku nakua'lampamo mange ri Damsyik siagang angngerang sura' koasa battu ri imang-imang kapalaya.