1 KORINTUS 15:42 - KITTA' MATANGKASA'

⁴² Kammami anjo alarapanna sallang sikamma tau matea punna nipattallasa' poleang ammotere'. Anjo tubua ri jeraka akkullei a'jari botto', mingka anjo tubu nipattallasa' poleanga ammotere' sallang, iamintu tubu tenaya nakkulle a'jari botto'.

1 KORINTUS 15:42 Referans Kwoze

MATIUS 13:43

Na sikontu tau anggaukangai ero'Na Allata'ala laccayami sanrapang mataalloa lalang ri Lino BeruNa Allata'ala, a'jaria Manggena ke'nanga. Jari, punna nia' tolinnu, pilangngerimi baji'-baji'!”

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

1 PETRUS 1:4

Manrannuangki' untu' langgappai barakka'-barakka' Nabolika ri suruga, sa'genna takkullea panra' yareka a'jari botto', yareka a'jari a'langnge.

ROMA 8:21

angkanaya nia' se're wattu nanilappassang sikontu linoa battu ri kakoasang ammanrakia siagang lamminawang tongi lanipamaradeka kammayatompa lanipakala'biri' siagang ana'-ana'Na Allata'ala.

LAMPA-LAMPANA 2:31

naasseng tommi apa laNagaukanga pole Allata'ala. Jari napaumi la'bi riolo angkanaya lattallasa' poleangi battu ri kamateanga anjo Karaeng Mappasalamaka, anjo Napa'janjianga Allata'ala. Nakana Daud, ‘Tena nanibalang parekangi ammantang ri linona tu matea; talaancurai siagang talala'busai BatangkalenNa.’

ROMA 1:23

Teai Allata'ala tamamminraya nasomba ke'nanga, passangalinna patung-patung sangkammaya apa lakkullea mate; iamintu rupataua, jangang-janganga, olo'-olo' appaka bangkenna, siagang olo'-olo' a'loloka rawa ri buttaya.

LAMPA-LAMPANA 2:27

Nasaba' tena natuli nubalang parekangi nyawaku ammantang lalang ri linona tu matea. Tanubalang parekangai ata majarreka ri kau a'jari ancuru' na la'busu'.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

AYUB 17:14

Jerakku kuarengi ‘Manggeku’, na gallang-gallang angkanreai tubuku kusa'buki ‘Ammakku’ siagang ‘Sari'battang baineku.’

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PAMMUJI 49:9

Manna apa nasareangi talagannaki; ta'lalo ka'jala'na lanipasulukangi nyawana,

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

1 KORINTUS 15:41

Simmaraengi ga'gana mataalloa siagang ga'gana bulanga. Sikamma bintoenga maraeng tongi ga'gana. Ba'lalo anjo sikamma bintoenga massing simmara'-maraeng tongiji ga'gana.

GALATIA 6:8

Punna sipa'-sipa' tulino nalamung taua, kamateang lanakatto battu ri anjo sipa'-sipa'na. Mingka punna a'lamungi situru' ero'Na RohNa Allata'ala, katallassang sitojennaya siagang katallassang mannannunganga lanagappa battu ri RohNa Allata'ala.